Sevgi və Məsuliyyətlə Formalaşan Gələcək: Lamiyə Abdullayevanın Neftçala Uşaqlarına Həsr Olunmuş Fədakar Fəaliyyəti [xfgiven_qirmizi] [xfvalue_qirmizi] [/xfgiven_qirmizi]
Neftçala şəhərinin maarifləndirici və pedaqoji həyatında öz layiqli yeri olan 5 saylı körpələr evi-uşaq bağçası bu gün tamamilə fərqli bir mühitə və uğur modelinə çevrilmişdir. Bu nailiyyətlərin mərkəzində isə böyük məsuliyyət, yüksək zövq və dərin pedaqoji düşüncə sahibi olan müəssisə rəhbəri Lamiyə Abdullayevanın yorulmaz əməyi və fədakarlığı dayanır. Uşaqları yalnız qorumaqla deyil, həm də şəxsiyyət kimi formalaşdırmaqla məşğul olan bu nümunəvi qadın rəhbər, uşaqlıq çağlarının təməlinin sağlam, sevgi dolu və intellektual şəkildə atılması üçün böyük əmək sərf edir.
Lamiyə Abdullayevanın rəhbərlik etdiyi 5 saylı körpələr evi-uşaq bağçası bu gün müasir tələblərə cavab verən, həm fiziki, həm də mənəvi baxımdan yüksək səviyyədə formalaşmış təhsil və tərbiyə ocaqlarından biridir. Bağçada tədris prosesinin müasir metodlarla təşkili, fərdi yanaşma prinsiplərinin tətbiqi, hər bir uşağın potensialının üzə çıxarılması üçün yaradılan şərait, məhz onun peşəkarlığının və pedaqoji təcrübəsinin bariz nümunəsidir. Uşaq psixologiyasına dərindən bələd olan Lamiyə xanım, hər bir körpəyə fərdi yanaşaraq onların yaş xüsusiyyətlərini, emosional ehtiyaclarını və sosial inkişafını nəzərə almaqla, bağçanı yalnız bir tərbiyə müəssisəsi deyil, həm də sevgi və qayğı mərkəzinə çevirib.
Lamiyə Abdullayeva fəaliyyətində yüksək təşkilatçılıq bacarığı ilə yanaşı, müəllim heyətinin peşəkarlığının artırılmasına da xüsusi diqqət yetirir. Onun təşəbbüsü ilə kollektiv mütəmadi olaraq təlimlərə cəlb olunur, müasir təlim-tərbiyə metodikaları ilə tanış edilir və yaradıcı təşəbbüslərə həvəsləndirilir. Bağçada keçirilən tədbirlər, milli və əxlaqi dəyərlər əsasında tərbiyənin təşviqi, vətənpərvərlik ruhunda tərbiyə işinin təşkili Lamiyə xanımın iş prinsipində əsas yer tutur.
Azərbaycan Respublikasının Prezidenti cənab İlham Əliyevin təhsilin inkişafına və uşaqlara göstərdiyi xüsusi diqqət və qayğı Lamiyə Abdullayevanın fəaliyyətində də öz əksini tapır. O, ölkə başçısının vətəndaşlara xidmət fəlsəfəsinə uyğun olaraq daim şəhid ailələrinin, qazilərin, aztəminatlı ailələrin övladlarına xüsusi qayğı ilə yanaşır. Onların bağçaya qəbulu, sosial dəstəyin göstərilməsi, uşaqların təlim-tərbiyə prosesində fərq qoyulmadan sevgi ilə əhatə olunması, cəmiyyətimizdə bərabər imkanların formalaşdırılmasına töhfə verən mühüm sosial jestlərdir.
Təbii ki, belə nəcib missiyanın arxasında sadəcə bir idarəçi yox, həm də övladları gələcəyin sağlam düşüncəli vətəndaşı kimi görmək istəyən, onlara ana nəvazişi ilə yanaşan bir qadın durur. Lamiyə Abdullayevanın rəhbərliyi sayəsində 5 saylı bağça təkcə Neftçala şəhərinin deyil, bütün regionun pedaqoji nümunələrindən birinə çevrilmişdir. Uşaqlar üçün yaradılmış isti, estetik və təhlükəsiz mühit onların həm sağlam böyüməsinə, həm də intellektual və emosional cəhətdən zənginləşməsinə geniş imkanlar yaradır.
Lamiyə xanım, həm də valideynlərlə sıx əməkdaşlıq prinsipi əsasında işləyərək ailə-bağça əlaqələrinin möhkəmlənməsinə xidmət edir. Onun təşkil etdiyi valideyn seminarları, görüşlər və birgə layihələr, ailə və bağça arasında səmərəli dialoqun formalaşmasına gətirib çıxarır. Bu da öz növbəsində uşağın hərtərəfli inkişafında böyük rol oynayır.
Bütün bu uğurların kökündə Lamiyə Abdullayevanın işinə olan sevgisi, vətənə və xalqa sədaqəti, uşaqlara qarşı ana nəvazişi dayanır. O, bir təhsil müəssisəsinin rəhbəri kimi üzərinə düşən məsuliyyəti yüksək dərəcədə yerinə yetirməklə yanaşı, həm də nümunəvi qadın, ziyalı və fədakar vətəndaş obrazı formalaşdırmışdır. Onun fəaliyyəti cəmiyyətin sabahı üçün çalışan, gələcəyimizi qoruyan və formalaşdıran əsl müəllim obrazının canlı təcəssümüdür.
