Dövlət Qulluğu Peşə Bayramında Müzəffər Qasımova Səmimi Təbrik: Moranlı kəndinin etibarlı və fədakar dövlət qulluqçusu [xfgiven_qirmizi] [xfvalue_qirmizi] [/xfgiven_qirmizi]
23 iyun ölkəmizdə Dövlət Qulluqçularının Peşə Bayramı kimi böyük qürur və ehtiramla qeyd edilir. Azərbaycan Respublikasının Prezidenti cənab İlham Əliyevin 2006-cı il 25 may tarixli Sərəncamı ilə təsis edilən bu əlamətdar gün dövlət qulluğu sahəsində çalışanların şərəfli əməyinin qiymətləndirilməsinin bariz ifadəsidir. Dövlət qulluğu hüquqi, demokratik və dünyəvi dövlətin formalaşmasında mühüm əhəmiyyət daşıyan, cəmiyyətin tərəqqisinə xidmət edən yüksək məsuliyyət tələb edən sahədir.
Bu önəmli gün münasibətilə Pressmedia.az rəhbərliyi və kollektivi olaraq Sabirabad Rayon İcra Hakimiyyəti Başçısının Moranlı kənd inzibati ərazi dairəsi üzrə nümayəndəsi Müzəffər Qasımovu səmimi-qəlbdən təbrik edir, ona fəaliyyətində yeni-yeni uğurlar arzulayırıq!
Müzəffər Qasımov Moranlı kəndində dövlətin siyasətini layiqincə həyata keçirən, vətəndaşlara xidmətə sədaqətlə yanaşan, daim xalqın içində olan fədakar bir dövlət qulluqçusudur. Onun rəhbərliyi ilə Moranlı kəndində vətəndaş məmnunluğu əsas prioritetlərdən biri kimi qəbul edilir. Sosial infrastrukturun yaxşılaşdırılması, kəndin abadlaşdırılması, ictimai-sosial məsələlərin həlli istiqamətində görülən işlər Müzəffər müəllimin əzmkar fəaliyyətinin nəticəsidir.
Xüsusilə vurğulamaq lazımdır ki, Müzəffər Qasımov şəhid ailələrinə, qazilərə və müharibə iştirakçılarına göstərdiyi diqqət və qayğı ilə seçilir. Onun təşəbbüsü və dəstəyi ilə Moranlı kəndində bu ailələrin sosial müdafiəsinin gücləndirilməsi, gündəlik qayğılarının həlli, ehtiyaclarının qarşılanması üçün ardıcıl tədbirlər həyata keçirilir. O, dövlətimizin şəhid ailələrinə və qazilərə olan ehtiramını öz fəaliyyətində əməli şəkildə nümayiş etdirir.
Müzəffər müəllim dövlət qulluğunu sadəcə vəzifə borcu deyil, xalqa, dövlətə və Vətənə sədaqətlə xidmət kimi qəbul edir. Onun fəaliyyəti Moranlı kəndində ictimai-sosial sabitliyin qorunmasına, vətəndaşların hüquq və azadlıqlarının təmin edilməsinə xidmət edir. Dövlət-vətəndaş münasibətlərinin möhkəmləndirilməsində onun fəaliyyəti kənd sakinlərinin dərin etimad və hörmətini qazanıb.
Pressmedia.az rəhbərliyi və kollektivi olaraq, Müzəffər Qasımovu bu şərəfli bayram münasibətilə bir daha ürəkdən təbrik edir, ona möhkəm cansağlığı, ailə xoşbəxtliyi və dövlət qulluğunda daha böyük nailiyyətlər arzulayırıq. Əminik ki, Müzəffər müəllim bundan sonra da Moranlı kəndinin inkişafı və sakinlərinin rifahı naminə fədakar fəaliyyətini davam etdirəcəkdir.
