"Sonuncu dəfə onunla may ayında, "Tarixin bir günü" verilişinin canlı efirinə qoşulması üçün zəng vuranda danışmışdım".

Bu sözləri jurnalist Könül Aypara Xalq artisti Arif Babayevin vəfatından sonra onunla bağlı xatirəsini bölüşərkən qeyd edib.

"Arif müəllim, dəyərlimizsiniz, sizin fikirləriniz gənc xanəndələr üçün önəmlidir" dedim. Ağır-ağır nəfəs alırdı, amma ürəklə danışırdı. Xırııtılı səslə, "muğamımızı qoruyun, incəsənətimizə hörmət edin, yoxdur dünyada" dedi. Bax belə. Son ürək sözləri. Son vida. Bir vaxtlar ürəkləri fəth edən mədəniyyətimizin fədaisi. Arif Babayev. Yeriniz cənnət olsun", - deyə o, paylaşımında qeyd edib.