Rövşən Əsgərov: “2024-cü ildə bütün qüvvələri səfərbər edərək, həm DSMF borcunu silməyə nail olacaq, həm də sakinlərə yüksək xidmətimizi davam etdirəcəyik” [xfgiven_qirmizi] [xfvalue_qirmizi] [/xfgiven_qirmizi]
Qovlar bələdiyyəsinin növbəti iclası keçirilib. Qovlar bələdiyyəsinin üzvlərinin, qulluqçularının və şəhər ziyalılarının iştirakıyla növbəti iclası keçirilib.
Belediyye.infoya bu barədə məlumatı adıçəkilən bələdiyyənin sədri Rövşən Əsgərov bildirib.
Sədrin sözlərinə görə, iclasda bələdiyyənin sön illərdəki fəaliyyətinə toxunulub, əldə etdiyi uğurlar, həyata keçirilən layihələr və perspektivdə həyata keçiriləcək işlər barəsində ciddi fikir mübadiəsi aparılıb.
İclasda Ulu öndər Heydər Əliyevin və Vətənimizin ərazi bütövlüyü uğrundə şəhid olanların əziz xatirəsi bir dəqiqəlik sükutla yad olunub.
Rövşən Əsgərov sədr kimi seçildiyi dövrdən, yəni ilyarım əvvəldən başlamış bu günədək bələdiyyənin fəaliyyətinə toxunaraq əldə olunan büdcə gəlirləri barədə açıqlama verib.
Sədr çıxışında qeyd edib ki, son ilyarım ərzində bələdiyyənin büdcə gəlirlərinin 62 faiz artırmağa nail olunub. Ötən illərdən yığılıb qalmış DSMF borcunun 6.640 manatı ödənilmiş, o cümlədən 6.116 manat əməkhaqqı börcu, 1.840 manat tibbi sığorta haqqı ödənilmiş, 960 manat işsizlik üzrə ödəniş edilmiş, ümumilikdə ilyarım ərzində 15.556 manat bələdiyyənin borcunun silinməsinə nail olunmuşdur.
Büdcə gəlirlərinə toxunan sədr bildirib ki, bələdiyyənin 2021-ci ildə 24.138 manat, 2022-ci ildə 23.138 manat büdcə gəliri olduğu halda 2023-cü ildə bu rəqəm 39.848 manat olub. Bələdiyyənin əsas büdcə gəliri icarə haqqlarından formalaşıb. Belə ki, əsas irəliləyiş məhz bu istiqamətdə hiss olunub. 2021-ci ildə 7.188, 2022-ci ildə 8.559 manat olduğu halda 2023-ci ldə bu rəqəm 22.288 manat olub.
Təəssüf ki, əvvəlki illərdən bələdiyyənin qalmış 22.510 manat DSMF borcu hələ də qalmaqdadır.
Bütün bu çətinliklərə baxmayaraq bələdiyyə ayaq üstədir, fəaliyyətdədir və sakinlərə xidmətdədir.
İnanıram ki, 2024-ci ildə bələdiyyə bütün qüvvələri səfərbər edərək, həm DSMF borcu silməyə nail olacaq, həm də sakinlərə yüksək xidmətini davam etdirəcəkdir.
İclasda şəhər ağsaqqalları Arzuman Mirəhmədov, Qasım Hüseynov, Əsgər Əsgərov çıxış edərək bələdiyyənin son illərdəki fəaliyyətini qənaətbəxş hesab edərək, hər bir sakinin səs verdikləri qurumu yaşatmağa borclu olduqlarını bildiriblər.
İclasda məhəllə komitələrinin fəaliyyətini bərpa etməklə təkmilləşdirmək qərara alınıb.
