Rusiyada Mi-28 helikopteri qəza etdi - Ekipaj üzvləri həlak oldu+Yenilənib [xfgiven_qirmizi] [xfvalue_qirmizi] [/xfgiven_qirmizi]
Rusiyanın Kaluqa vilayətində Mi-28 helikopteri qəzaya uğrayıb.
“Qafqazinfo” xəbər verir ki, bu barədə vilayətin qubernatoru Vladislav Şapşa öz teleqram kanalında məlumat verib.
Onun sözlərinə görə, helikopter vilayətin Jidrinski rayonunda qəzaya uğrayıb. Hadisə yerində əməliyyat qrupu və xilasedicilər işləyir. Qubernator Mi-28-in qəzaya uğraması nəticəsində itkilərin olub-olmadığını açıqlamayıb.
***
Rusiya Müdafiə Nazirliyi hadisə ilə bağlı məlumat yayıb.
Bildirilib ki, Mi-28 helikopteri Kaluqa vilayətində planlaşdırılmış uçuş zamanı qəzaya uğrayıb, hadisə nəticəsində ekipaj üzvləri həlak olub.
“Helikopter boş ərazidə qəzaya uğrayıb. İlkin məlumata görə, təyyarə qəzası texniki nasazlıq səbəbindən baş verib. Rusiya Aerokosmik Qüvvələrinin komissiyası helikopterin qəzaya uğradığı yerdə işləyir”, - nazirlik əlavə edib.
