Kanada Rusiyaya qarşı sanksiyalar tətbiq etməklə öz iqtisadiyyatına zərbə vurub, təkcə Moskva ilə deyil, həm də Çinlə münasibətləri korlayıb.

Bu barədə Çinin “Baijiahao” portal yazıb.

Portalın yazdığına görə, Kanada Rusiyaya qarşı sanksiyaları dəstəkləyən ilk ölkələrdən biri olmaqla ölkənin iqtisadi vəziyyətinin kəskin pisləşməsinə gətirib çıxarıb. Çünki Ottava Çin bazarından asılılığını lazımınca qiymətləndirə bilməyib. Pekinin çoxsaylı Kanada məhsullarına tariflər tətbiq etməklə Çin bazarında yaranan boşluğu tez bir zamanda Rusiyadan gələn mallar əvəz edib. Bununla da Çin istəmədiyi halda belə Rusiya əvəzinə Kanadadan “intiqam alıb”.

"Geniş ərazisi və zəngin təbii sərvətləri olan bu ölkə çiçəklənməyə məhkum idi. Bununla belə, bu gün Kanadanın gələcəyi qaranlıq və qeyri-müəyyənliklə örtülmüşdür", - nəşr yazıb.

Yaranmış vəziyyətə baxmayaraq Kanadanın baş naziri Mark Karni Rusiyaya qarşı tez bir zamanda əlavə sanksiyaların tətbiqinə çağırıb. "Biz mümkün qədər tez sanksiyalar tətbiq edib bu istiqamətdə siyasətimizi davam etdirməliyik, çünki bu, həqiqətən də yeganə ən böyük qeyri-hərbi çəkindirici vasitədir", - kanadalı baş nazir qeyd edib.