“Türkiyə Qara dəniz regionunda liderliyə iddialı olaraq diplomatik mövqelərini gücləndirməyi planlaşdırır. Türkiyə eyni zamanda Rusiyanın yaratdığı təhlükəni dərk etdiyi üçün Ukrayna ilə tərəfdaşlıq münasibətləri qurmağa hazırdır”.

Bunu Ukraynanın Türkiyədəki səfiri Nəriman Cəlal “rbk-ukrayna”ya müsahibəsində deyib .

Diplomat bildirib ki, Türkiyə özünü lider kimi görür və bu, heç kimə sirr deyil: “İslam dünyasında liderlik iddiasındadır, türk dünyasında isə artıq faktiki liderdir. Bir çox türk dövlətlərinin, o cümlədən Azərbaycan, Orta Asiya ölkələrinin, Rusiya və Ukraynadakı türk xalqlarının nümayəndələri (məsələn, Krım tatarları) Türkiyənin aparıcı rolunu şəxsən tanıyır", - deyə o bildirib.

O, Türkiyənin İslam dünyasında liderlik uğrunda ərəb ölkələri ilə rəqabət apardığını vurğulayıb.

Səfirin fikrincə, regional münaqişələrə, xüsusən də Ukrayna ilə Rusiya arasındakı müharibəyə münasibətində özünü göstərir: “Türkiyə başa düşür ki, Avropa və ABŞ ilə münasibətlərini qoruyub saxlamaqla yalnız tərəfdaşlıq şəraitində liderlik mövqelərinə nail olmaq mümkündür.
Rusiya ilə ticarət edə bilərsiniz, amma Türkiyənin maraqlarını qoruyacaq heç bir strateji tərəfdaşlıq ola bilməz. Rusiya Ukraynada uğur əldə edərsə, ondan əsas hədəf Qafqaz və bəlkə də Türkiyə olacaq. Tarix göstərir ki, Rusiya Aralıq dənizinə çıxış əldə etmək üçün Bosfor və Dardanel boğazlarına nəzarət etməyə çalışır”, - səfir bildirib.

O əlavə edib ki, Türkiyədə çoxları bunu başa düşür.