İran İsrailə qarşı növbəti zərbələr dalğasına başlayıb.

“Qafqazinfo” xəbər verir ki, bu haqda “Fars” agentliyi məlumat yayıb.

İsrail ordusu İran tərəfindən yeni raket atəşi qeydə alındığını açıqlayaraq xəbəri təsdiqləyib. Əhaliyə sığınacaqlarda gizlənmək tapşırılıb.

***

“Ynet” xəbər verir ki, İranın İsrailə cavab hücumunun yeni dalğası nəticəsində azı 5 nəfər yaralanıb. Bundan əvvəlki zərbələrdə isə azı 63 yaralının olduğu bildirilir.

***

CNN-nin özəl mənbələrdən məlumatına görə, İran İsrailə qarşı hücumlarını artıracaq və onu müdafiə edən istənilən ölkənin Yaxın Şərq bazalarına zərbələr endirəcək.

***

İranın İsrailə hücumları nəticəsində ağır yaralanan bir israilli qadın həlak olub.

Bu barədə İsrail rəsmisi dövlət televiziyasında açıqlama verib:

“İran mülki obyektlərə etdiyi hücuma görə ağır cəzalandırılacaq”.

***

İran Müdafiə Nazirliyinin məlumatına görə, Təl-Əvivdə yerləşən hərbi bazalar, Müdafiə və Milli Təhlükəsizlik Nazirliklərinin binaları hədəf alınıb və “dəqiq zərbələrlə” vurulub.

***

Pentaqon RİA Novosti-yə bildirib ki, ABŞ İsrailə İranın raket hücumunu dəf etməyə kömək edib.

***

İran tərəfi qeyd edir ki, hücumlar mərhələli şəkildə həyata keçirilib, azı üç hücum dalğası olub;

-Zərbələr 150-dən çox hədəfə, o cümlədən F-35, F-16 və F-15 qırıcılarının, tankerlərin və nəqliyyat təyyarələrinin yerləşdiyi hava bazalarına endirilib;

-Hərbi mərkəzlər və hərbi sənaye obyektləri hücuma məruz qalıb;

-Raketlər Tel-Əvivdə İsrail Müdafiə Nazirliyinin binasına iki dəfə düşüb;

***

İsrail ordusu İrandan İsrail ərazisinə doğru yeni raketlər atdığını bildirib.

***

İsrail radiosunun məlumatına görə, İranın göndərdiyi raketlərin beşinci dalğası Tel-Əvivə düşməyə başlayıb.

Radio həmçinin beşinci dalğanın bütün İsraili hədəf aldığını bildirib. İsrailin şimalında, mərkəzində və cənubunda partlayış səsləri eşidilib.

***

“Ynet” portalının məlumatına əsasən, İsrail ərazisinə İranın 4-cü dalğa hücumu nəticəsində azı 2 nəfər ölüb, 21-i yaralanıb.

***

“The Jerusalem Post” qəzetinin məlumatına görə, İranın zərbələri nəticəsində həlak olanların sayı 4-ə yüksəlib, 70-dən çox insan isə yaralanıb.

Bildirilib ki, yaralı və ölü sayının artmasına səbəb bu gün səhər İsrailin mərkəzi hissəsində yaşayış evinə raket düşməsidir.