ABŞ prezidenti Donald Tramp İrana davamlı təzyiqlər edilməsi ilə bağlı xüsusi sərəncam imzalayıb.

Maksimum təzyiq səyləri çərçivəsində Tramp administrasiyası İran neftinin ixracını sıfıra endirmək məqsədi daşıyan kampaniya keçirəcək.

Bu məqsədlə Tramp İrana maksimum təzyiqi yeniləmək üçün sərəncam imzalayıb. Ağ Evdən bildirilib ki, bu strategiya Tehranın öz nüvə silahına sahib olmasının qarşısını almaq üçün İranın neft ixracından əldə etdiyi gəlirləri azaltmaq üçün nəzərdə tutulub.

“Reuters”in qeyd etdiyi kimi, Trampın memorandumu digər məsələlərlə yanaşı, ABŞ-nin maliyyə nazirinə İrana qarşı maksimum iqtisadi təzyiq, o cümlədən mövcud məhdudiyyətləri pozanlara qarşı sanksiyalar və onların həyata keçirilməsi mexanizmləri tətbiq etməyi tapşırıb.