Şahin Xurşudov: Qətiyyətli və siyasi iradəyə söykənən mövqeyimiz [xfgiven_qirmizi] [xfvalue_qirmizi] [/xfgiven_qirmizi]
GƏNCƏ DÖVLƏT UNİVERSİTETİ İLƏ TƏHSİL TƏLƏBƏ KREDİTİ FONDU ARASINDA ƏMƏKDAŞLIQ ƏLAQƏLƏRİ GENİŞLƏNDİRİLİR
Təhsil Tələbə Krediti Fondunun (TTKF) nümayəndələri Gəncə Dövlət Universitetində görüş keçiriblər. Görüşdə TTKF-nin İdarə heyəti sədrinin müavini Tahir Xələfov, Departament müdiri Ayaz Mustafayev, baş mühasib Məmmədəli Abidin, Universitetin Tədris məslələri üzrə prorektoru Şahin Xurşudov, Təcrübə və karyera şöbəsinin müdiri Cabbar Qarayev, Tədrisin təşkili və idarə olunması sektorunun müdiri, Fondun GDU üzrə koordinatoru Sevinc Quliyeva iştirak ediblər. Görüşün məqsədi universitet ilə əməkdaşlıq əlaqələrini daha da genişləndirmək olub.
Universitetin Tədris məsələləri üzrə prorektoru Şahin Xurşudov dövlətin təhsilə qayğısından, bu istiqamətdə həyata keçirilən layihələrdən bəhs edib, tələbələrin təhsil haqqını ödəməsi baxımından Fondun yaradılmasının böyük əhəmiyyət daşıdığını bildirib. Prorektor təhsilin hamı üçün əlçatan olması və təhsilalanlara maddi dəstəyin göstərilməsi məqsədinə xidmət edən TTKF-in önəmini vurğulayıb.
TTKF-nin İdarə heyəti sədrinin müavini Tahir Xələfov çıxış edərək fondun fəaliyyət istiqamətləri və təhsil kreditinin verilməsinin meyarları haqqında danışıb. Tahir Xələfov TTK-dan yararlanmış şəxslərin məşğulluq imkanlarının artırılması, məzunların işlə təmin olunması istiqamətində Fond tərəfindən aparılan işlər, dövlət və özəl sektor təmsilçiləri ilə əməkdaşlıq əlaqələri haqqında məlumat verib.
Görüşdə Fondun Gəncə Dövlət Universiteti üzrə koordinatoru Sevinc Quliyeva Təhsil Tələbə Krediti ilə bağlı mütəmadi maarifləndirmə işlərinin aparıldığını diqqətə çatdırıb.
Qeyd edək ki, Təhsil Tələbə Krediti Fondu Azərbaycan Respublikası Prezidenti Cənab İlham Əliyevin Fərmanı ilə Elm və Təhsil Nazirliyinin tabeliyində yaradılıb. Fondun missiyası təhsilin əhatə dairəsini genişləndirmək, əlçatanlığını təmin etmək və təhsil almaqda bərabər imkanlar yaratmaqdır. Təhsil tələbə kreditlərinin verilməsinə 2021-ci ilin noyabr ayından başlanıb. Fəaliyyət göstərdiyi qısa müddət ərzində Azərbaycan Universitetləri üzrə fonda təxminən 55 min müraciət daxil olmuş, 43 mindən çox təhsil tələbə krediti müqaviləsi imzalanmışdır.
Gəncə Dövlət Universitetinin Tədris məsələləri üzrə prorektor, iqtisad elmləri üzrə fəlsəfə doktoru, dosent Şahin Xurşudov - Rusiya Federasiyasının Prezidenti Vladimir Putinin dəvəti ilə XVI BRICS Sammitinin “Outreach” “BRICS+” formatında iştirak etmək üçün oktyabrın 23-də Rusiya Federasiyasının Tatarıstan Respublikasının paytaxtı Kazan şəhərinə səfər edən dövlət başçısı İlham Əliyev Sammitdəki çıxışında diqqəti bir daha Azərbaycanın beynəlxalq münasibətlər sistemində möhkəmlənən mövqeyinə, yeri və roluna yönəldərək bildirdi ki, ölkəmiz beynəlxalq münasibətlərdə çoxtərəflilik prinsipinin fəal tərəfdarıdır.
Ölkə başçısı XVI BRICS Sammitinin ilk plenar iclasındakı çıxışında qeyd etdi ki, müasir infrastruktur yaradan Azərbaycan Avrasiyanın mühüm nəqliyyat və logistika mərkəzlərindən birinə çevrilib. Azərbaycanın güclü iqtisadiyyatı müstəqil xarici siyasətin həyata keçirilməsinə geniş imkanlar yaradır.
Prezident İlham Əliyev bu mühüm çağırışı ilə həmişə deyir ki, müstəqil xarici siyasət bizim əsas istiqamətimizdir: “Biz heç kimə qarşı heç vaxt heç bir iş görməmişdik, heç kimin işinə qarışmamışdıq. Amma bizim işimizə qarışmaq istəyənlərə də hər dəfə dərs vermişik ki, bunu etməsinlər. Belə cəhdlər var, olacaq. Düzdür, onların heç bir əhəmiyyəti yoxdur. Ancaq bizim xarici siyasət istiqamətində bu amil təbii olaraq həmişə nəzərə alınacaq. Kim bizimlə ikitərəfli formatda, qarşılıqlı hörmət əsasında əməkdaşlıq etmək istəyirsə, biz ikiqat əməkdaşlıq edəcəyik. Amma əgər kimsə hesab edir ki, bizə gəlib nəsə diktə edəcək, yaxud da ki, bizi əsassız olaraq ittiham edəcək, ya da ki, hansısa vasitələrlə bizi qaralayacaq və sanki heç nə olmamış kimi bu ölkələrlə biz dostluq edəcəyik, bu, səhv təsəvvürdür, bu, olmayacaq! Azərbaycan çoxdan özünü ləyaqətli və qürurlu dövlət kimi təsdiqləyib. Xüsusilə, tarixi Zəfərimizdən sonra bizim beynəlxalq nüfuzumuz bir neçə dəfə artıb. Beynəlxalq mövqelərimiz möhkəmlənib, beynəlxalq ictimaiyyət bizimlədir.»
Xüsusi vurğulamaq lazımdır ki, güclü ordu, daxili sabitlik, xalq - iqtidar birliyi dövlətimizin xarici siyasətinin əsas istiqamətləridir. Məhz bu istiqamətlərin ardıcıl şəkildə həyata keçirilməsinin nəticəsi olaraq, Azərbaycan müstəqil siyasət yürütməkdə davam edir.
Bu gün dünya ictimaiyyəti siyasətimizi bəyənir və dəstəkləyir. Əgər belə olmasaydı, 155 ölkə Azərbaycanı BMT Təhlükəsizlik Şurasına üzv seçməzdi. Əgər belə olmasaydı, 120 ölkə bizi Qoşulmama Hərəkatına sədr seçməzdi. Əgər belə olmasaydı, dünya birliyi COP29 Konfransının Azərbaycanda keçirilməsi ilə bağlı qərar qəbul etməzdi.
Hazırda 9 üzvü olan BRICS 2006-cı ildə yaradılıb. Builki BRICS Sammitinə 36 ölkədən və 6 beynəlxalq təşkilatdan nümayəndə heyətləri, o cümlədən 22 dövlət başçısı və BMT-nin Baş katibi Antonio Quterreş qatılıblar. BRICS 2009-cu ildən bəri hər il rəsmi sammitlərdə toplaşan və çoxtərəfli siyasətləri əlaqələndirən vahid geosiyasi bloka çevrilib, həmçinin dünya əhalisinin təxminən yarısını və qlobal iqtisadiyyatın 1/4-dən çoxunu təşkil edən nəhəng iqtisadi güc mərkəzinə çevrilib. Belə bir mötəbər sammitdə Azərbaycan Prezidentinin mövqe sərgiləməsi kifayət qədər gücün və siyasi iradənin təzahürü kimi qeyd edilməlidir.
Həmçinin cənab Prezidentin çıxışında o da vurğulanmışdır ki, Azərbaycan tranzit imkanlarının genişlənməsində öz sözünü deyəcək Zəngəzur dəhlizinin açılması məsələsinə də xüsusi diqqət göstərir. Ölkəmizin ərazisindən təkcə Bakı-Tbilisi-Qars kimi bir yol keçməyəcək, o cümlədən Zəngəzur dəhlizi işə salınacaq: “Bir sözlə, bütün bunlar əlavə yüklər üçün digər imkanlar açacaq. Eyni zamanda, Azərbaycan ərazisindən daşımalar, həmçinin Gürcüstanın dəniz limanından keçəcək. Biz bu sahədə müəyyən sərmayə imkanlarına böyük maraqla baxırıq. Həqiqətən, daşımalarda əməkdaşlıq bütün ölkələr üçün çox faydalı olacaq və eyni zamanda, o da vacibdir ki, bu işlər ölkələr arasında əlaqələri gücləndirəcək. Ölkələr bir-biri ilə daha sıx bağlı olacaq, inteqrasiya olacaq.”
