Tamella İbadova: Vətən müharibəsi Azərbaycan xalqının birliyinin təcəssümüdür [xfgiven_qirmizi] [xfvalue_qirmizi] [/xfgiven_qirmizi]
Məlumdur ki, hər bir xalq xoşbəxt gələcəyə olan ümidini daha çox özünün igid, mərd, qeyrətli, işgüzarlığı sevən, doğma xalqına bağlı olan, Vətənin hər qarış torpağını göz bəbəyi kimi qorumağa çalışan övladlarına bağlayır və bu danılmaz bir həqiqətdir. Unutmaq olmaz ki, illər keçib zaman dəyişdikcə nəsillər də dəyişir, bəşəriyyət yeni inkişaf mərhələsinə qədəm qoyur. Odur ki, belə bir göstəriciləri özündə cəmləşdirən vətən övladları hər tarixi zamanda vətəndaşı olduqları dövlətin gələcəyini, inkişaf istiqamətini müəyyənləşdirən əsas qüvvəyə çevrilirlər. Keçmişə nəzər salsaq görərik ki, tarixin bütün dönəmlərdə onların üzərinə xüsusi missiyalar düşüb və həmin şəxslər təmsil etdikləri ölkələrə lazımi töhfələrini töhfələrini bəxş ediblər, əsl vətəndaş mövqelərini ortaya qoyublar. Bəli, yaxın-uzaq tariximizin hər dönəmində xalqımıza başucalığı gətirən, qürurlu adları ilə hər kəs tərəfindən sevilən neçə-neçə Vətən övladları olub ki, onlar atdıqları addımları ilə şanlı tariximizdə silinməz izlər buraxıblar. Çünki, Azərbaycan xalqına məxsus yüksək insani keyfiyyət, əxlaqi və mənəvi dəyərlər, həmçinin digər göstəricilər var ki, bu da xalqımızın yüksək ad daşıyıcısı olduğunu sübuta yetirir. Unutmaq olmaz ki, xarakterik xüsusiyyətində sədaqətli, əliaçıq, səxavətli olmağı bacaran, həmçinin xalqının və doğma Vətəninin yolunda özünü sipər etməyə qadir olan övladları tarix az-az yetişdirsə də, onların içərisində mayak olanlar, məhz öz şəxsi keyfiyyətləri və cəmiyyətdə tutduqları mövqelərə görə seçilən olurlar. Haqqında bəhs etdiyimiz, hansı ki, əsl xalq sevgisini qazanan, xeyirxah əməlləri, yüksək insani keyfiyyəti, vətənpərvərlik hissinin coşqusu ilə ad-san çıxaran vətən övladlarından biri də ATİAHİ Bərdə rayon komitəsinin sədri Tamella İbadovadır.
Tamella İbadova Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir.
ATİAHİ Bərdə rayon komitəsinin sədri Tamella İbadova qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Tamella İbadovanın diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Tamella İbadova səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, ATİAHİ Bərdə rayon komitəsinin sədri Tamella İbadovaya biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
ATİAHİ Bərdə rayon komitəsinin sədri Tamella İbadova Ulu Öndər Heydər Əliyev siyasi kursunu daima dəstəkləmiş və bu uğurlu siyasətin layiqli davamçısı, Müzəffər Ali Baş Komandan, Prezident İlham Əliyevin yürütdüyü daxili və xarici siyasətinə dəstək olmuşdur. Tamella İbadova - “Əl tutmaq Əlidən qalıb” atalar məsəlini həmişə sadiq olaraq, fəaliyyəti göstərdiyi dövrdə hər zaman şəhid ailələri, müharibə əlillərinə, aztəminatlı ailələrə maddi və mənəvi dəstəyini əsirgəməmişdi.
ATİAHİ Bərdə rayon komitəsinin sədri Tamella İbadova - 44 günlük Vətən müharibəsinin nəticələri Qarabağ məsələsinin həllinə dair Prezident İlham Əliyevin hərbi-siyasi həll konsepsiyasının mütləq doğruluğunu və reallığını qəti şəkildə sübut etdi. Ali Baş Komandan “münaqişənin hərbi həll yolu yoxdur” deyərək əslində 30 il vəziyyəti Ermənistanın xeyrinə dondurmaq istəyən qüvvələrin planlarını və taktikasını alt-üst etdi.
2020-ci il sentyabrın 27-dən başlanmış əks-hücum əməliyyatları Azərbaycanın gücünü, dövlətimizin regionda dayanıqlı sülhə doğru ən düzgün və qısa yolda olduğunu sübut etdi. Ermənistan və ona havadarlıq edən qüvvələr Azərbaycanın yaratdığı siyasi reallıqlarla barışmağa məcbur oldu. Prezident, Ali Baş Komandan İlham Əliyevin rəhbərliyi ilə şanlı ordumuz dünya hərb tarixində unikal bir yenilik etdi. Azərbaycan işğalçı Ermənistanın uzun illər boyu heç cür qəbul etmək istəmədiyi əsas prinsiplər deyilən çərçivənin mühüm hissəsini hərbi yolla icra etmək və bundan sonra təcavüzkarı kapitulyasiya aktına imza atmaq kimi uğurlu formul ortaya qoydu.
Dinc şəkildə ədalətə və beynəlxalq normalara əməl etməyən Ermənistan Azərbaycan Ordusunun gücü ilə buna məcbur edildi. Prezident İlham Əliyev eyni vaxtda həm diplomatik, həm hərb arenasında, həm də informasiya müharibəsi meydanında bütün qüvvələri vahid hədəfə yönəltməyin uğurlu nümunəsini yaratdı. Düşmən təxribatlarına uymadan yalnız hərbi hədəflərlə mübarizə aparan Azərbaycan dünyaya həmçinin müharibə qanunlarını pozmadan hədəfə yetişməyin mümkün olduğunu sübut etdi. 44 gün ərzində 30 illik təcavüz və etnik təmizləmə siyasətinin qanunsuz nəticələrini aradan qaldırmaq həqiqətən tariximizin şanlı səhifəsidir. Bundan sonra Azərbaycanın haqqına hörmət edən, ya da heç olmasa neytral qalan ölkələrin sayı çoxaldı. Azərbaycan Ali Baş Komandan İlham Əliyevin sayəsində müharibədən daha da güclənərək çıxdı.
Üçtərəfli Bəyanatın imzalanması dövlətimizin başçısı İlham Əliyevin böyük intellektual səylərinin əhəmiyyətli nəticəsidir. Dünya tarixi müharibə tam bitməmiş düşmənin “əlinin arxasını yerə qoyduğu” azsaylı məqamlar tanıyır ki, bunun da ən uğurlu nümunəsini Azərbaycan yaratdı. Bu qalibiyyətli müharibə Azərbaycan-Türkiyə qardaşlığını daha da gücləndirdi, sülhyaratma missiyasının icrasında qardaş ölkənin legitim rolunun rəsmən təmin olunması Prezident İlham Əliyevin tarixi geosiyasi uğurlarından biridir.
Azərbaycan Ordusu sentyabrın 27-dən noyabrın 9-dək 5 şəhər, 4 qəsəbə və 286 kəndi işğaldan azad etdi, həmçinin Ağdərə və Murovdağ istiqamətlərində, Zəngilanda, habelə digər ərazilərdə bir neçə strateji yüksəklik düşməndən təmizləndi. Şuşanın işğaldan azad edilməsi Vətən müharibəsinin davam etdiyi 44 gün ərzində ən böyük Zəfər kimi yaddaşlara yazıldı. Bu, həmçinin müharibənin sonrakı gedişinə və taleyinə ciddi təsir göstərdi, Ermənistanın kapitulyasiyası reallaşdı.
2020-ci il noyabrın 10-da imzalanan üçtərəfli Bəyanat Azərbaycan üçün milli təhlükəsizlik və həmrəylik məsələsi olaraq respublikamızın gələcək siyasi, sosial-iqtisadi inkişafını şərtləndirdi. Çünki ölkəmizin ərazi bütövlüyünün işğalçı tərəfindən pozulması 30 il ərzində ölkəmizin sürətli tərəqqisinə mənfi təsir göstərmişdi. Bu həssas məsələyə beynəlxalq təşkilatların, nüfuzlu dünya dövlətlərinin lazımi qiymət verməməsi problemin həllini ləngidirdi. Prezident İlham Əliyevin gərgin siyasi fəaliyyəti, xalqımızın sarsılmaz həmrəyliyi, rəşadətli ordumuzun gücü öz uğurlu nəticəsini verdi. Beləliklə, bütün bu amillər Azərbaycanı möhtəşəm Qələbəyə qovuşdurdu.
