Ağstafa RİH-də silsilə tədbirlər davam edir - əhalinin rifanı yüksək səviyyədədir [xfgiven_qirmizi] [xfvalue_qirmizi] [/xfgiven_qirmizi]
Cari ildə Ağstafada bol barama məhsulunun tədarükü gözlənilir
Azərbaycanda ipəkçiliyin inkişaf etdirilməsi üçün böyük potensialın mövcud olduğunu nəzərə alaraq, Prezident İlham Əliyevin rəhbərliyi ilə son illər ərzində ölkəmizdə baramaçılığın inkişafı istiqamətində ciddi addımlar atılıb, mühüm qərarlar qəbul olunub, bu sahəyə dövlət dəstəyi gücləndirilib. Ağstafa rayonunda da barama istehsalı ilə bağlı əhalinin məşğulluğunu artırmaq və sosial rifahını daha da yaxşılaşdırmaq məqsədilə hər il olduğu kimi, bu il də ağstafalı kümçülərə məhsuldar ipəkqurdu cinsləri paylanılıb. Ağstafa RİH başçısı Seymur Orucov rayonun məsul şəxsləri ilə birlikdə Göycəli kəndində barama saxlama məntəqəsində mövcud şəraitə diqqət yetirib, rayonda barama istehsalına dair kümçülərlə söhbət aparıb, onları maraqlandıran məsələləri öyrənib. Qeyd olunub ki, barama istehsalı ilə məşğul olan şəxslərə emal müəssisələrinə təhvil verdikləri baramanın hər kiloqramına görə dövlətimiz tərəfindən subsidiyanın verilməsi bu sahəyə marağı artırıb. Ağstafada fəaliyyət göstərən kümxanalar müvafiq tədbirlər planına uyğun olaraq mövsümün əvvəlindən aqrozootexniki tələblərə uyğun hazırlanıb, ipəkqurduların düzgün bəslənməsi, xəstəliklərin qarşısının alınması istiqamətində qabaqlayıcı tədbirlər görülüb. Təlimata uyğun olaraq kümxanalarda xəstəlik və zərərvericilərə qarşı qabaqlayıcı dezinfeksiya işləri aparılıb.
Seymur Orucov Ağstafanın sərhəd kəndlərindən olan Köhnəqışlaqda vətəndaşların növbəti səyyar qəbulunu keçirib
Səyyar qəbulda rayonun hüquq-mühafizə strukturlarının rəhbərləri, Ağstafa RİH başçısı aparatının məsul əməkdaşları, aidiyyəti üzrə idarə, müəssisə və təşkilatların nümayəndələri və yerli sakinlər iştirak ediblər.
RİH başçısı Prezident İlham Əliyevin konkret tapşırıq və tövsiyələrinə uyğun olaraq respublikanın hər yerində, o cümlədən Ağstafa rayonunda təşkil olunan səyyar qəbulların əhəmiyyətindən söz açaraq bildirib ki, başlıca məqsəd sakinlərlə əlaqəli yerlərdəki şəraiti dərindən araşdırmaq, müəyyən edilən məsələlərin operativ həllinə nail olmaqdan ibarətdir. Bir sözlə mütəmadi olaraq əhalinin müxtəlif zümrələri ilə keçirilən görüşlər vətəndaş məmnunluğunu artırmaq, sosial rifahın yaxşılaşdırılmasına xidmət edir. Vətəndaşlar həmçinin “Rəqəmsal İcra Hakimiyyəti” (https://rih.gov.az) portalına daxil olmaqla yaşadıqları ünvanları tərk etmədən rahat şəkildə Ağstafa Rayon İcra Hakimiyyətinə müraciətlərini ünvanlaya bilərlər.
Qəbulda vətəndaşlar tərəfindən qaldırılan məsələlərin hərtərəfli öyrənilməsi və qanunvericiliyin tələblərinə uyğun həll edilməsi üçün müvafiq tapşırıqlar verilib. Həmçinin yerli icra hakimiyyətlərinin səlahiyyətlərinə aid olmayan müraciətlər aidiyyəti qurumlara çatdırılması üçün nəzarətə götürülüb.
Ağstafa rayonunda keçirilən vətəndaşların səyyar qəbulları Qarayazı qəsəbəsində davam etdirilib
Ağstafa RİH başçısı Seymur Orucov ölkə rəhbərliyinin müvafiq tapşırıq və tövsiyələrinə uyğun olaraq rayonun şəhər, qəsəbə və kəndlərində vətəndaşların səyyar qəbullarını davam etdirir. Müvafiq qrafikə uyğun olaraq Qarayazı qəsəbəsində keçirilən növbəti səyyar görüşdə rayonun hüquq-mühafizə orqanlarının rəhbərləri, Ağstafa RİH başçısı aparatının və aidiyyəti təşkilatların məsul şəxsləri, yerli sakinlər və ictimaiyyət nümayəndələri iştirak ediblər.
RİH başçısı səyyar qəbulda giriş nitqi söyləyərək qeyd edib ki, Prezident İlham Əliyevin rəhbərliyi altında torpaqlarımızın işğaldan azad olunması ilə Azərbaycanın inkişafında yeni mərhələnin başlanması, ölkəmizin Cənubi Qafqazın lideri kimi regionda təhlükəsizliyin qarantına çevrilməsi, bir sözlə hər bir sahədə əldə olunan dinamik inkişaf ümummilli lider Heydər Əliyevin müəyyən etdiyi yolun uğurlu davamıdır. Bu gün Azərbaycan xalqı ölkəmizdə hökm sürən ictimai-siyasi sabitlik, əmin-amanlığa, o cümlədən dövlətimizin əldə etdiyi bütün uğurlara görə Ulu Öndərə minnətdardır.
Səyyar qəbulda vətəndaşlar tərəfindən səsləndirilən müxtəlif məzmunlu məsələlərin həlli istiqamətində aidiyyəti üzrə məsul şəxslərə müvafiq tövsiyələr və nəzarət qaydasında tapşırıqlar verilib.
