İstehsal gücü gündə 5300 ton klinker, ildə isə 2,1 milyon ton sement təşkil edən Norm Sement zavodu Cənubi Qafqazın ən böyük sement zavodudur [xfgiven_qirmizi] [xfvalue_qirmizi] [/xfgiven_qirmizi]
NORM SEMENT ZAVODUNDA “İSTEHSALAT TƏCRÜBƏSİ PROQRAMI”NIN BAĞLANIŞ MƏRASİMİ KEÇİRİLİB
30 tələbə Norm Sement zavodunda 2024-cü ilin “İstehsalat Təcrübəsi Proqramı”nı uğurla başa çatdırıb. Bu münasibətlə zavodda proqramın bağlanış mərasimi keçirilib. Mərasimdə Bakı Mühəndislik Universiteti, Azərbaycan Dövlət Neft və Sənaye Universiteti, Azərbaycan Memarlıq və İnşaat Universiteti, Bakı Ali Neft Məktəbi, Azərbaycan Dövlət İqtisad Universiteti və Sənaye və İnnovasiyalar üzrə Peşə Təhsili Mərkəzinin nümayəndələri iştirak ediblər.
Mərasim boyunca təcrübəçilərin, eləcə də Bakı Mühəndislik Universitetinin Təcrübə şöbəsinin rəhbəri Həzi Qasımovun, Sənaye və İnnovasiyalar üzrə Peşə Təhsili Mərkəzinin Tədris üzrə direktor müavini Xalidə Hümbətovanın, Azərbaycan Dövlət İqtisad Universitetinin Təcrübənin təşkili şöbəsinin müdiri Leyla Nəzirzadənin, Azərbaycan Memarlıq və İnşaat Universitetinin dosenti Rəşid Rəcəbin, Azərbaycan Dövlət Neft və Sənaye Universitetinin Təcrübə üzrə mütəxəssisi Zümrüd Hüseynovanın çıxışları olub.
Qeyd edək ki, ötən ilin noyabr ayında elan olunan proqrama 400-ə yaxın sonuncu kurs tələbəsi müraciət etmişdi. Onlardan 100-ə yaxın tələbə müsahibə əsaslı müsabiqə mərhələsinə dəvət olunmuşdular. Bütün mərhələləri uğurla tamamlayan 30 tələbə ixtisaslarından asılı olaraq, 1 aydan 3 aya kimi Norm Sement zavodunda təcrübə keçmək imkanı əldə etmişdi. Həmçinin, Sənaye və İnnovasiyalar üzrə Peşə Təhsili Mərkəzi ilə birlikdə təşkil olunan “SƏTƏM və Ekologiyanın” əsasları adlı təlim proqramını uğurla başa çatdırmış 7 tələbə bu ilin fevral – iyun aylarında zavodda təcrübə keçmək şansı qazanmışdı.
İstehsal gücü gündə 5300 ton klinker, ildə isə 2,1 milyon ton sement təşkil edən Norm Sement zavodu Cənubi Qafqazın ən böyük sement zavodudur.
Nəsib Həsənov Norm şirkətinin təsisçisi və yeganə benefisiar sahibidir.
"Norm" ASC müxtəlif sahələrdə və ölkələrdə fəaliyyət göstərən NEQSOL Holding beynəlxalq şirkətlər qrupunun tərkibinə daxildir.
NEQSOL Holding-in tərkibində olan şirkətlərin fəaliyyəti Böyük Britaniya, ABŞ, Türkiyə, Azərbaycan, Ukrayna, Gürcüstan, Qazaxıstan, Birləşmiş Ərəb Əmirlikləri və s. ölkələrdə enerji, telekommunikasiya, yüksək texnologiyalar və tikinti sahələrini əhatə edir.
Norm Məhdud Məsuliyyətli Cəmiyyəti 4 may 2006-cı il tarixdə NEQSOL Holding-in təsisçisi və yeganə benefisiar sahibi Nəsib Həsənov tərəfindən yaradılıb.
BAXIŞ
Azərbaycanda və xarici bazarlarda ətraf mühitə xüsusi məsuliyyətlə yanaşan lider və ən bəyənilən inşaat materialları istehsalçısı olmaq.
MİSSİYA
Biz tikinti materialları istehsalçısı və xidmət təminatçısı kimi Azərbaycanda güclü, təhlükəsiz və ekoloji cəhətdən zərərsiz binaların layihələrinin hazırlanmasında və inşa edilməsində dəstək oluruq.
DƏYƏRLƏR
Müştəri məmnuniyyəti
İşçilərin və digər maraqlı tərəflərin təhlükəsizliyi və sağlamlığı
Ətraf mühitə qayğı
Yenilik
Bütövlük
Azərbaycan Respublikası Ədliyyə Nazirliyinin Hüquqi Şəxslərin Dövlət Qeydiyyatı üzrə Bakı Bölgə Şöbəsi tərəfindən 0106-P216-45772 nömrəsilə dövlət qeydiyyatına alınmışdır.
Sənaye sahəsində layihələr həyata keçirmək məqsədilə yaradılan şirkət 2008-ci ildən etibarən bütün qüvvəsini Sement zavodu layihəsinə yönəltmişdir. Layihəyə sement sənayesində dünyanın qabaqcıl mütəxəssisləri cəlb edilmişdir.
2008-ci ildə layihə üzrə texniki konsultant xidmətlərinin yerinə yetirilməsi sement istehsalı sahəsində dünyanın 10 ən tanınmış konsultant şirkətlərindən biri olan Holtec Consulting Private Limited (Hindistan) şirkətinə həvalə edilmişdir.
Zavodun «Açar Təslimi» əsasında tikintisi üçün tender elan edilmişdir. Tenderdə Yaponiya, Almaniya, Çexiya, Çin, Koreya və Türkiyəni təmsil edən və sement zavodlarının qurulmasında ixtisaslaşdırılmış və geniş təcrübəyə sahib olan 26 şirkət iştirak etmişdir.
2008-2011-ci illər ərzində Azərbaycanın müxtəlif bölgələrində, 10 min hektar ərazidə geoloji kəşfiyyat işləri aparılmış, 2 minə yaxın xammal nümünəsi toplanaraq Almaniyanın, Fransanın, Hindistanın, ÇXR və Türkiyənin ixtisaslaşlaşdırılmış laboratoriyalarında sınaqlaşdırılmışdır. Zəruri topoqrafiya işləri aparılmış, xammal ehtiyatları hesablanmış, zavodunun tikintisi və xammal təchizatı üçün tələb olunan ərazilər Norm MMC tərəfindən əldə edilmişdir.
2009-cu ildə ekoloji və sosial təsirlərin qiymətləndirilməsilə bağlı ətraf qəsəbələrdə yaşayan sakinlər, yerli icma və qəsəbə nümayəndələri, bələdiyyələr, QHT-lər, mətbuat nümayəndələrinin, digər əlaqədar və marağı olan tərəflərin iştirakı ilə ictimai dinləmələr keçirilmişdir.
Norm Sement zavodu üzrə tərtib olunmuş Ətraf Mühitə və Sosial Sahəyə Təsirin Qiymətləndirilməsi sənədi Ekologiya və Təbii Sərvətlər Nazirliyi ilə razılaşdırılmış və bu sahədə nəzərdə tutulan tədbirlər mütəxəssislər tərəfindən yüksək qiymətləndirilmişdir.
Dünyanın dörd böyük müstəqil auditor şirkətlərindən biri olan PriceWaterhouseCoopers Norm MMC-nin 2008–2010-cu illər üzrə maliyyə hesabatlarının ilk dəfə olaraq Beynəlxalq Maliyyə Hesabatları Standartına uyğun auditini aparmış və öz müsbət rəyini bildirmişdir. 2011-ci ildə zavodun "Açar Təslimi" əsasında tikintisi üçün xarici şirkətlərdən ibarət konsorsiumla müqavilə imzalanmışdır.
Ərazidə əsaslı infrastruktur yaradılmışdır. Zavod ərazisinə Bakı-Salyan şosesinə birləşən 10 km uzunluğunda asfalt yol inşa edilmiş, 110 kilovoltluq yüksək gərginlikli elektrik xətti çəkilmişdir. Bundan başqa su xətti, qaz kəməri, seldən mühafizə bəndləri, həmçinin zavodun elektrik təchizatının etibarlı təminatı üçün elektrik yarımstansiyası inşa olunmuşdur.
Sement dəyirmanı bölməsi işə salınmış, ilk sement istehsal edilmişdir. Almaniyanın VDZ Elmi-Tədqiqat İnstitutu ilə uzunmüddətli əməkdaşlıq barədə razılıq əldə edilmişdir.
2014-cü Soba xətti istismara verilmişdir. 21 iyul tarixində Azərbaycan Respublikasının prezidenti cənab İlham Əliyevin iştirakı ilə zavodun rəsmi açılışı baş tutmuşdur.
Zavodda yeni çeşid məhsulun (KLASS S) - mineral əlavəli sulfata davamlı Portland sement istehsalına başlanılmışdır.
DNV GL Group tərəfindən müəssisəyə keyfiyyətə nəzarət, ətraf mühitin mühafizəsi və əməyin təhlükəsizliyi üzrə ISO 9001, ISO 14001 və OHSAS 18001 sertifikatları təqdim edilmişdir.
Norm Ustalar Klubu yaradıldı, klubun hazırda 1000-dən çox üzvü var.
Korporativ müştərilər üçün xarici mütəxəssislər tərəfindən təlimlər keçirildi.
Almaniyanın WEIMAR institutu ilə laboratoriyalar arası əməkdaşlığa başlanıldı.
Azərbaycanın müxtəlif regionlarında Norm Ustalar Klubunun silsilə tədbirləri təşkil olundu.
Müştərilər üçün nəzərdə tutulmuş “Müasir dövrdə Avropa ölkələrində istehsal olunan əmtəə betonu” və “Sementin mineral tərkibi” mövzularında təlim xarakterli tədbir təşkil edildi.
"Norm" ASC Qlobal Sement və Beton Assosiasiyasına üzv olmuşdur.
Müştəri məmnuniyyətinin ölçülməsi aparılmış və məmnuniyyət səviyyəsi 98% olmuşdur.
"Norm" ASC Avropa Beton Yollar Assosiasiyasına (EUPAVE) üzv qəbul edilmişdir.
Şirkət müştəriləri üçün Loyallıq Proqramı təsis etmiş və bununla bağlı mobil tətbiqlər işə düşmüşdür.
Norm şirkəti sement və beton istehsalı sahələrində yüksək beynəlxalq nüfuza sahib olan şirkət və təşkilatlarla əməkdaşlıq edir. Yaxın illərdə sement istehsalına başlayan şirkətin beynəlxalq təşkilatlarla sıx əməkdaşlığı şirkətin məhsulların keyfiyyətinə və etibarlılığına verdiyi dəyəri nümayiş etdirir. Norm ASC rəhbərliyi bu yanaşmanın böyük faydalar gətirəcəyinə və şirkətin sürətli böyüməsinə və inkişafına təkan verəcəyinə qətiyyətlə inanır.
