İlham Məmmədov: Görülmüş işlərin son nidası [xfgiven_qirmizi] [xfvalue_qirmizi] [/xfgiven_qirmizi]
Ağcabədi rayon Ağabəyli kənd ərazi icra nümayəndəsi İlham Məmmədov qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim İlham Məmmədovun diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən İlham Məmmədov səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, Ağcabədi rayon Ağabəyli kənd ərazi icra nümayəndəsi İlham Məmmədova biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
Ağcabədi rayon Ağabəyli kənd ərazi icra nümayəndəsi İlham Məmmədov - Azərbaycan tarixi Zəfərindən dərhal sonra bölgədə dayanıqlı sülhün və təhlükəsizliyin təmin edilməsi, Ermənistanla münasibətlərdə yeni səhifənin açılması məqsədilə qarşı tərəfə sülh təklifini etdi. Həmin vaxtdan üç ildən çox keçməsinə baxmayaraq Ermənistanın 10 noyabr 2020-ci il tarixli üçtərəfli Bəyanatdan irəli gələn öhdəlikləri yerinə yetirməməsi, silahlı birləşmələri ərazilərimizdən çıxarmaması rəşadətli Ordumuzun ötən ilin 19 sentyabr tarixində bir günlük lokal antiterror tədbirlərini həyata keçirməsinə səbəb oldu. Dövlət başçısı İlham Əliyev yanvarın 10-da yerli televiziya kanallarına müsahibəsində diqqət yönəltdiyi əsas məsələ ərazi bütövlüyümüzün və suverenliyimizin tam bərpa edilməsi oldu: “Biz əsas vəzifəni, siz də qeyd etdiyiniz kimi, bir neçə ay bundan əvvəl həll etmişik, ölkəmizin suverenliyini tam bərpa etmişik və sentyabr hadisələri, əlbəttə ki, ümumi kontekstdən çıxarıla bilməz. Yəni, sentyabra qədər getdiyimiz yol məqsədyönlü yol idi, məqsədə hesablanmış yol idi, düzgün yol idi. İstər siyasi müstəvidə, istər hərbi müstəvidə, istər ölkəmizdə gedən proseslər nöqteyi-nəzərindən bu hadisə bütün işlərimizin, elə bil ki, son nidası idi. Bu gün biz 2024-cü ilə suverenliyini tam bərpa etmiş ölkə kimi, xalq kimi başlayırıq. Hesab edirəm ki, müasir tariximizin yeni dövrü məhz sentyabrın 20-dən sonra başlayır.”
“Yeni dövrün yeni hədəfləri olmalıdır” çağırışı qarşıdakı illərdə Azərbaycanın aydın mənzərəsini təqdim edir. Bir mühüm məqamı da xüsusi qeyd etməliyik ki, cənab İlham Əliyevin Sərəncamı ilə 7 fevral 2024-cü il tarixdə ölkəmizdə növbədənkənar prezident seçkiləri keçiriləcək. Müsahibədə ölkəmizin həyatında mühüm rol oynayacaq bu addımı şərtləndirən amillərdən geniş bəhs edildi. Ərazi bütövlüyümüzün və suverenliyimizin tam təmin olunması, işğaldan azad edilmiş bütün torpaqlarımızda Azərbaycan Bayrağının ucaldılması gələcək hədəflərin müəyyənləşdirilməsində stimulverici amildir. Bu baxımdan cənab İlham Əliyev sözügedən müsahibədə bildirmişdir ki, prezident seçkiləri yenə dövrə xeyir-dua verəcək.
Prezident İlham Əliyevin hər bir müsahibəsi çağırışlarla zəngindir. Son üç ildə yeni ilin ilk ayında ənənəyə çevrilən yerli televiziya kanallarına müsahibə ötən dövrün uğurlarının təhlili ilə yanaşı, həmin ildə görüləcək işlərin, müəyyənləşdirilən hədəflərin təqdimatı olur. İl çərçivəsində verilən müsahibələrdə, edilən çıxışlarda bu hədəflərin hansı səviyyədə icra edildiyi açıqlanır. 2024-cü il yeni dövrün davamı olaraq yeni hədəflərlə zəngindir. Hazırkı dövrün əsas çağırışı işğaldan azad edilmiş ərazilərimizdə bərpa-quruculuq işlərinin sürətini daha da artırmaq və soydaşlarımızın bu ərazilərə qayıdışını təmin etməkdir. Cənab İlham Əliyev müsahibəsində bu məqama xüsusi diqqət yönəltdi. Belə ki, beş yaşayış məntəqəsinə keçmiş köçkünlər qayıtmışlar. Laçın, Füzuli şəhərləri, Ağalı, Talış və Zabux kəndləri artıq dirçəlir. Bu il həmin o yaşayış məntəqələrinə keçmiş köçkünlərin qaytarılması davam edəcək. Bu ilin İnvestisiya Proqramı yaxın günlərdə təsdiq olunacaq. Həm Qarabağa, Şərqi Zəngəzura, həm də ölkəmizin digər yerlərinə aid İnvestisiya Proqramı bizim əsas alətimizdir. Bu il Qarabağda, Şərqi Zəngəzurda infrastruktur layihələrinin hamısı davam etdiriləcək. Bunlar nəhəng layihələrdir. Su anbarları, yollar, körpülər, dəmir yolları, məktəblər, xəstəxanaların inşaatı artıq başlamışdır. Bəziləri artıq istifadəyə verilmişdir. İçməli su xətləri, elektrik enerjisi ilə bağlı layihələr və digər infrastruktur layihələr fasiləsiz icra olunur. Keçmiş köçkünlər qayıdanda orada əkin-biçin üçün şərait olmalıdır. Qayıdan keçmiş köçkünlərin məşğulluğu ilə bağlı müvafiq qurumlar ciddi məşğuldur. Həm gedənə qədər sakinlər üçün treninqlər keçirilir, həm də yerlərdə yeni istehsalat sahələri, sənaye müəssisələri yaradılır və yaradılacaq. Ağdamda və Cəbrayılda iki böyük sənaye zonası artıq fəaliyyətə başlayıb və bu il o zonaların fəaliyyəti böyük dərəcədə genişlənəcək. İcra olunan infrastruktur layihələri imkan verir ki, bu il daha böyük sayda keçmiş köçkünlər öz dədə-baba torpaqlarına qayıtsınlar. Bu il vətəndaşlarımız Şuşa, Cəbrayıl, Kəlbəcər, Xankəndi və Xocalı şəhərlərinə qayıdacaq. Ağdam, Zəngilan, Qubadlı şəhərlərinə isə keçmiş məcburi köçkünlərin 2025-ci ildə qayıtması nəzərdə tutulur. Bununla paralel olaraq bir çox kəndlərdə inşaat davam edəcək, bir neçə kəndə keçmiş köçkünlər qayıdacaqlar. Laçın rayonunun Sus kəndi hazır olacaq. Xocalı rayonunun Kərkicahan, Malıbəyli, Turşsu kəndlərinin də bərpasına artıq start verilir. Hədəf 2026-cı ilin sonuna qədər 140 min keçmiş köçkünü öz dədə-baba torpaqlarına qaytarmaqdır. Bütün bunlar daxili imkanlar hesabına edilir. Cənab İlham Əliyev belə bir çağırışı səsləndirdi ki, özəl sektor Qarabağa və Şərqi Zəngəzura daha fəal investisiya qoymalıdır. Artıq Hadrut qəsəbəsində, Daşaltı kəndində və Ağdam şəhərində bir neçə layihə özəl sektor tərəfindən icra edilir. Bu hədəf də açıqlandı ki, Qarabağda və Şərqi Zəngəzurda ancaq o bölgədən çıxmış insanlar yaşamamalıdır. Azərbaycanın istənilən yerindən insanlar orada yaşamaq üçün imkanlara malik olmalıdır.
Dövlət başçısı İlham Əliyevin üç saata yaxın davam edən və 20-dək istiqamət üzrə sualları əhatə edən müsahibəsi Azərbaycanın bütün sahələrdə qazandığı uğurların və yeni ildə atılacaq addımların təqdimatı oldu. Onların fonunda Azərbaycanın beynəlxalq münasibətlər sistemində yeri və rolu daha da möhkəmlənəcək. Dövlət başçısının qeyd etdiyi kimi, Azərbaycan 100 il bundan sonra da tərəfdaşlar üçün önəmli tərəfdaş olacaq.
