Zakir müəllim: Qələbənin təntənəsi [xfgiven_qirmizi] [xfvalue_qirmizi] [/xfgiven_qirmizi]
Bəzi internet saytlarında İmişli "Mal bazarı"nın rəhbəri Zakir müəllim ilə bağlı böhtan xarakterli məlumatlar dərc edilir. Amma məlumatların hardan qaynaqlandığını deyə bilmərik. Lakin tam məsuliyyətlə qeyd edirik ki, Zakir müəllim haqqında yayımlanan qərəzli və böhtan xarakterli məlumatlar tamamilə əsassızdır. Bu cür dezinformasiyalar cəmiyyət arasında heç də birmənalı qarşılanmır.
Bəzi saytlar bunun əksini yazmaqla cəmiyyət arasında ajiotaj yaratmağa çalışırlar. Amma alınmayacaq.
İmişli "Mal bazarı"nın rəhbəri Zakir müəllim qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Zakir müəllimin diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Zakir müəllim səlahiyyətləri çərçivəsində hər cür köməklik göstərməyə həmişə hazırdır.
İmişli "Mal bazarı"nın rəhbəri Zakir müəllim - “44 günlük Vətən müharibəsində qazanılan şanlı Qələbənin, Zəfər Gününün üçüncü ildönümündə Azərbaycan xalqı olaraq tarixi anlar yaşadıq. 8 Noyabr Zəfər Günündə Xankəndi şəhərində keçirilən hərbi paradı böyük qürur hissi ilə izlədik. Azərbaycan xalqı torpaqlarmızın işğalı dövründə bir nöqtəyə vururdu ki, tezliklə bizim ərazilərimiz işğalçılardan azad edilsin. Prezident İlham Əliyevin siyasəti nəticəsində bu müqəddəs gün hər gün yaxınlaşırdı və biz buna nail olduq. Hərbi paradda çıxış edən Müzəffər Ali Baş Komandan, Prezident İlham Əliyev ötən dövrü geniş təhlil edərək qələbəmizin əsasında dayanan amilləri də vurğuladı”.
20 il əvvəl cənab İlham Əliyev dövlət başçısı kimi fəaliyyətə başlayanda torpaqlarımızın nəyin bahasına olursa-olsun azad ediləcəyini bəyan etmişdi. Cənab Prezident Xankəndidə keçirilən hərbi paradda bununla bağlı qeyd edib: “İyirmi il bundan əvvəl Prezident kimi öz fəaliyyətimə başlayanda əziz xalqıma bildirmişdim ki, biz torpaqlarımızı müharibə yolu ilə azad etməyə hazır olmalıyıq. O vaxt hələ sülh danışıqlarına müəyyən ümidlər var idi. Ancaq illər keçdikcə bu ümidlər tükənirdi. Ermənistan öz xoşu ilə bizim torpaqlarımızdan çıxmaq istəmirdi. Ermənistan-Azərbaycan münaqişəsinin nizamlanması ilə məşğul olmuş vasitəçilər faktiki olaraq vəziyyəti dondurmağa çalışırdılar, hesab edirdilər ki, Azərbaycan xalqı bu vəziyyətlə barışacaq. Ancaq Azərbaycan xalqı heç vaxt bu vəziyyətlə barışmaq fikrində deyildi və mən dəfələrlə bunu müxtəlif kürsülərdən bəyan etmişdim ki, biz bu vəziyyətlə barışmayacağıq. Azərbaycan torpağında ikinci erməni dövlətinin yaradılmasına icazə verməyəcəyik, danışıqlar nəticəsiz başa çatsa, güc tətbiq edərək beynəlxalq hüquq əsasında öz doğma torpaqlarımızı döyüş meydanında işğalçılardan azad edəcəyik. Əgər Ermənistan rəhbərliyi və onun arxasında o vaxt və bu gün duran bəzi xarici qüvvələr mənim sözlərimə qulaq assaydılar, İkinci Qarabağ müharibəsinə ehtiyac qalmazdı. Mən dəfələrlə deyirdim, Ermənistan rəhbərliyinə müraciət edərək deyirdim ki, əgər siz bizim torpağımızdan çıxmasanız, döyüş meydanında bizimlə üz-üzə gələcəksiniz və sizin arxanızda kim istəyirsə dursun, bu, bizi haqq yolumuzdan döndərə bilməz. 44 günlük Vətən müharibəsi bunu bir daha göstərdi”.
Prezident İlham Əliyevin uzaqgörən, prinsipial və milli maraqlara əsaslanan siyasəti nəticəsində dövlətimiz və xalqımız qarşıya qoyduğu müqəddəs vəzifələrin yerinə yetirilməsinə - ərazi bütövlüyümüzün və suverenliyimizin bərpa edilməsinə nail olub. 2020-ci ilin 27 sentyabrında başlanan Vətən müharibəsi Ali Baş Komandan İlham Əliyevin qətiyyəti, xalqın birliyi və Ordumuzun gücü nəticəsində Zəfərlə sona çatdı. Əgər üç il bundan əvvəl İkinci Qarabağ müharibəsi nəticəsində biz işğala son qoymuşduqsa, bu il aprelin 23-də Laçın istiqamətində Azərbaycan-Ermənistan sərhədində sərhəd-buraxılış məntəqəsini qoymaqla ərazi bütövlüyümüzü tam bərpa etmişdiksə, ordumuzun Qarabağda lokal xarakterli antiterror tədbirləri nəticəsində isə sentyabrın 20-də suverenliyimizi tam bərpa etdik. Azərbaycanın Qarabağ bölgəsində yerləşən Ermənistan silahlı qüvvələrinin birləşmələri, qeyri-qanuni erməni silahlı dəstələri silahı yerə qoyması, döyüş mövqelərindən və hərbi postlardan çıxması və tam şəkildə tərksilah olunması, Ermənistan silahlı qüvvələrinin birləşmələri Azərbaycan ərazilərini tərk etməsi, qeyri-qanuni erməni silahlı dəstələrinin buraxılması Azərbaycanın növbəti Qələbəsinin təntənəsi oldu.
Oktyabrın 15-də Ağdərədə, Əsgəranda, Xocavənddə, Xocalıda və Xankəndidə Ali Baş Komandan tərəfindən üçrəngli bayrağımızın ucaldılması xalqımız üçün böyük xoşbəxtlikdir. Bu, o deməkdir ki, artıq ərazilərimizdə erməni separatizminin kökü kəsilib. Cənab Prezident çıxışı zamanı Ermənistana növbəti xəbərdarlığını da edərək vurğulayıb: “Biz göstərdik ki, Qarabağ Azərbaycandır, döyüşərək, vuruşaraq, heç nəyə baxmayaraq və bu gün hər kəs bilməlidir ki, bizimlə bundan sonra heç kim zarafat etməsin. Ermənistan rəhbərliyi əgər revanşist fikirlərlə yaşayırsa, Ermənistanın arxasında dayanan manipulyasiyaya öyrəşmiş ölkələr əgər yenə də Azərbaycan üçün hansısa məkrli plan qurursa, o, bugünkü parada bir nəzər yetirsin. Bilsin ki, burada mindən çox igidimiz düzülübdür və bizim 100 mindən çox onlar kimi igidlərimiz var və heç bir qüvvə bizi təhdid edə bilməz. Biz istənilən müstəvidə döyüşə hazırıq, siyasi, lazım olarsa, hərbi meydanda bunu göstərmişik. XXI əsrdə heç bir ordu bizim qədər peşəkarlıq, fədakarlıq göstərməmişdir. Heç bir xalq öz doğma torpağını bu qədər əziz tutub uğrunda ölümə getməyə hazır olmamışdır. Bunu biz hamımız yaxşı bilirik, bunu dünya da bilsin”.
“Prezident İlham Əliyev bir daha bəyan etdi ki, bizə yeni müharibə lazım deyil. Azərbaycan beynəlxalq hüquqa uyğun olaraq özünün ərazi bütövlüyünü və suverenliyini təmin edib. Bu, həmdə tarixi ədalətin bərpasıdır. Bundan sonra regionumuz sülh və rifah şəraitində yaşamalıdır. Azərbaycan dövlətinin məqsədi və hədəfi bundan ibarətdir. Əgər Ermənistan sülhü yox, hərbi təxribatları davam etdirməyə üstünlük verərsə yenə də başının üzərində Dəmir Yumruğu görəcək”.
