Op. Dr. Günel Bayramlı – Gözəllik və Sağlamlıq Yolunda Etibarlı İxtisaslı Həkim [xfgiven_qirmizi] [xfvalue_qirmizi] [/xfgiven_qirmizi]
Müasir dövrün tələblərinə uyğun olaraq, estetik və plastik cərrahiyyə sahəsi insan sağlamlığının qorunması və xarici görünüşün bərpası üçün mühüm əhəmiyyət daşıyır. Bu sahədə peşəkar bilik və bacarıqlarını, zəngin təcrübəsini və böyük məsuliyyətini xəstələrinin sağlamlığına və gözəlliyinə həsr edən Op. Dr. Günel Bayramlı, ölkəmizdə və xaricdə tanınan nüfuzlu plastik və estetik cərrahlardan biridir.
Dr. Günel Bayramlı 2001-2007-ci illərdə Azərbaycan Dövlət Tibb Universitetinin müalicə-profilaktika fakültəsində ali tibb təhsilini alaraq həkimlik peşəsinin incəliklərinə yiyələnib. O, 2007-2008-ci illərdə M.A. Topçubaşov adına Elmi-Tədqiqat Klinik və Eksperimental Cərrahiyyə İnstitutunun cərrahiyyə şöbəsində cərrah ixtisası üzrə internaturanı müvəffəqiyyətlə tamamlayaraq ilk peşə təcrübəsini qazanıb. Daha sonra məcburi təyinat üzrə 2 il poliklinikada həkim-cərrah kimi fəaliyyət göstərib və vətəndaşlara yüksək səviyyədə tibbi xidmət göstərib.
Peşəkar inkişafını davam etdirən Dr. Günel Bayramlı 2010-2011-ci illərdə Türkiyə Cümhuriyyətinin Ankara şəhərində yerləşən nüfuzlu Qazi Universiteti Tibb Fakültəsinin Plastik, Estetik və Rekonstruktiv Cərrahiyyə fakültəsində plastik cərrah olaraq çalışaraq, beynəlxalq səviyyədə bilik və təcrübəsini daha da zənginləşdirib. Bu dövrdə o, plastik və rekonstruktiv cərrahiyyənin ən müasir metodlarını mənimsəyib və yüzlərlə uğurlu əməliyyata imza atıb.
2012-2015-ci illərdə HB Güvən klinikasında plastik cərrah və daha sonra cərrahiyyə şöbəsinin müdiri vəzifəsində çalışaraq, xəstələrə yüksək keyfiyyətli tibbi xidmət göstərib, cərrahiyyə sahəsində rəhbərlik bacarıqlarını nümayiş etdirib. 2015-2023-cü illər arasında Medera Hospitalda Plastik və Estetik Cərrahiyyə Şöbəsinin müdiri kimi fəaliyyət göstərən Dr. Günel Bayramlı bu illər ərzində plastik və estetik cərrahiyyənin inkişafına əhəmiyyətli töhfələr verib, həm ölkəmizdə, həm də xaricdə yüzlərlə mürəkkəb əməliyyatı uğurla həyata keçirib.
Hazırda Dr. Günel Bayramlı Azərbaycan Dövlət Tibb Universitetinin 1-ci cərrahi xəstəliklər kafedrasında dissertant olaraq elmi-tədqiqat işləri ilə məşğuldur. O, həmçinin Azərbaycan Plastik Cərrahiyyə İctimai Birliyinin və ISAPS – Beynəlxalq Plastik və Estetik Cərrahiyyə Assosiasiyasının fəal üzvüdür. Elmi fəaliyyətə də xüsusi önəm verən Dr. Günel Bayramlı Azərbaycanda və xarici ölkələrdə çap olunmuş 15 elmi məqalənin müəllifidir. O, bu məqalələrdə plastik və estetik cərrahiyyənin aktual problemlərini, yeni yanaşmalarını və müasir metodlarını tədqiq edərək tibbi ictimaiyyətə dəyərli töhfələr verib.
Dr. Günel Bayramlı ölkədaxili və beynəlxalq bir çox konfrans və simpoziumlarda fəal iştirak edərək, həm sahə üzrə yenilikləri izləyir, həm də öz bilik və təcrübəsini həmkarları ilə bölüşür. Onun əsas prinsipi xəstələrinə yalnız sağlamlıq baxımından deyil, həm də psixoloji rahatlıq və məmnuniyyət bəxş edən yüksək səviyyəli tibbi xidmət göstərməkdir.
Səmimiyyəti, işinə sevgisi, dəqiqliyi və insan sağlamlığına olan yüksək həssaslığı ilə tanınan Dr. Günel Bayramlı, bu gün də plastik və estetik cərrahiyyə sahəsində peşəkar fəaliyyətini davam etdirir və xəstələrinin sağlamlığını və gözəlliyini qorumaq üçün bütün bilik və bacarıqlarını səfərbər edir.
