İnşaat sahəsində etibarlı imza – Əliheybət Şirinov və AZTİMONT ASC-nin uğur yolu [xfgiven_qirmizi] [xfvalue_qirmizi] [/xfgiven_qirmizi]
Azərbaycanın inşaat sektorunda illərin təcrübəsinə və yüksək peşəkarlığa əsaslanan AZTİMONT Açıq Səhmdar Cəmiyyəti öz fəaliyyət dövrü ərzində paytaxt Bakı şəhəri də daxil olmaqla, ölkənin müxtəlif regionlarında bir sıra mühüm tikinti və əsaslı təmir layihələrini uğurla həyata keçirmişdir. Bu uğurların başında isə şirkətin qanuni təmsilçisi və məsul rəhbəri Əliheybət Şirinov dayanır.
Əliheybət Şirinov inşaat sektorunda dürüstlüyü, operativliyi və yüksək təşkilatçılıq qabiliyyəti ilə seçilən rəhbərlərdən biridir. Onun nəzarəti və rəhbərliyi altında AZTİMONT ASC-nin gördüyü işlər hər zaman keyfiyyət və vaxt meyarları ilə seçilmiş, həm dövlət, həm də ictimai sifarişçilərin etimadını qazanmışdır.
Şirkət tərəfindən həyata keçirilmiş başlıca layihələr arasında Bakı şəhəri Maliyyə Nazirliyinin binasında aparılmış əsaslı tikinti işləri, Bakı Gənc Tamaşaçılar Teatrının əsaslı təmir-tikinti layihəsi, Bakı Dəmir Yolu Vağzalının müasir üslubda yenidən qurulması, Sabirabad rayon musiqi məktəbinin inşası, Şamaxı rayonunda 3 məktəb və bir musiqi məktəbinin tikintisi, Quba rayonunda 3 məktəbin müasir standartlara uyğun tikintisi, Gəncə şəhərində yaşayış kompleksinin inşası, eləcə də Mehdiabad qəsəbəsində müasir yaşayış kompleksinin tikintisi yer almaqdadır.
Bu layihələrin hər biri AZTİMONT ASC-nin texniki imkanlarını, yüksək ixtisaslı mühəndis heyətini və rəhbərlikdəki peşəkar yanaşmanı əks etdirir. Əliheybət Şirinovun strateji baxışları və şəffaf idarəetmə prinsipləri nəticəsində şirkət daim inkişafda olmuş, həm öz işçi heyəti, həm də tərəfdaşları ilə möhkəm və etibarlı əməkdaşlıq münasibətləri qurmuşdur.
Əliheybət Şirinov tikinti sahəsində yalnız fiziki strukturların deyil, eyni zamanda cəmiyyət üçün faydalı dəyərlərin də inşa edildiyini düşünür. Bu baxışla o, ölkədə urbanizasiya və infrastrukturun inkişafı istiqamətində önəmli töhfələr verən rəhbər kimi tanınır.
AZTİMONT ASC-nin uğur yolu Əliheybət Şirinovun əzmkarlığı və tikinti sahəsinə olan dərin bağlılığı sayəsində hər gün daha da genişlənir. Onun rəhbərliyi ilə bu şirkət hələ də bir çox sosial, ictimai və strateji əhəmiyyətli layihələrə imza atmaqda davam edir.
Şəhid ailələrinə və qazilərə xüsusi qayğı
Əliheybət Şirinov yalnız inşaat sektorunda deyil, eyni zamanda sosial məsuliyyət sahəsində də nümunəvi mövqe nümayiş etdirir. O, şəhid ailələri, müharibə veteranları, qazilər və aztəminatlı ailələrə dəstək göstərməyi mənəvi borc kimi qəbul edir. Onun təşəbbüsü ilə AZTİMONT ASC tərəfindən:
Şəhid ailələrinə ərzaq yardımları və maddi dəstəklər,
Qazilərin evlərinin təmiri və məişət şəraitlərinin yaxşılaşdırılması,
Sosial baxımdan həssas ailələrə mövsümi yardımlar və gündəlik ehtiyacların ödənilməsi,
Bayram günlərində hədiyyələr və ziyarətlər təşkil olunması,
Gənc qazilərin peşəkar inkişafına dəstək verilməsi və məşğulluq imkanlarının yaradılması istiqamətində mühüm addımlar atılmışdır.
Əliheybət Şirinov dəfələrlə vurğulamışdır ki, bu cür dəstək kampaniyaları yalnız ictimai öhdəlik deyil, həm də vətənə və onun qəhrəmanlarına göstərilən minnətdarlığın təzahürüdür.
