Mirhəsən Seyidov – Neftçalanın Sosial Dirçəlişinə və Dövlətçilik Dəyərlərinə Sadiq Bir Rəhbər [xfgiven_qirmizi] [xfvalue_qirmizi] [/xfgiven_qirmizi]
Azərbaycan Respublikasının regionlarının inkişafında xüsusi yeri olan Neftçala rayonuna rəhbərlik edən Mirhəsən Mirheydər oğlu Seyidov öz fəaliyyəti ilə həm dövlət başçısının müəyyənləşdirdiyi strateji vəzifələri uğurla həyata keçirir, həm də yerli əhalinin sosial rifahı üçün yorulmadan çalışan, xalqın dərdini öz dərdi bilən bir icra başçısı kimi tanınır.
Mirhəsən Seyidov uzun illərdir ki, dövlət xidmətində böyük təcrübəyə malik, təşkilatçılıq və idarəetmə bacarıqları ilə fərqlənən, cəmiyyətə fayda verən layihələrə öncüllük edən bir məmur kimi fəaliyyət göstərir. Onun Neftçalaya rəhbər təyin olunduğu gündən etibarən rayonda sosial-iqtisadi canlanma müşahidə olunur, infrastruktur layihələri həyata keçirilir, ictimai xidmətlərin keyfiyyəti artırılır və yerli əhali ilə mütəmadi açıq dialoq qurulur.
Mirhəsən Seyidovun rəhbərliyi dövründə həyata keçirilən bütün layihə və təşəbbüslər Prezident İlham Əliyevin regionların sosial-iqtisadi inkişafı ilə bağlı müəyyənləşdirdiyi strateji xəttə uyğun olaraq reallaşdırılır. Dövlət başçısının bölgələrin inkişafına ayırdığı diqqət və qayğı Neftçalada da öz real nəticələrini verir. Yeni yol layihələri, kənd infrastrukturunun yaxşılaşdırılması, su-kanalizasiya sistemlərinin yenilənməsi və sosial obyektlərin tikintisi bu istiqamətdə görülən əsas işlər sırasındadır.
Mirhəsən Seyidov üçün şəhid ailələrinin və müharibə iştirakçılarının rifahı hər zaman prioritet mövzulardan biri olmuşdur. Onun rəhbərliyi ilə Neftçala rayonunda şəhid ailələrinə və qazilərə mütəmadi mənəvi və maddi dəstək göstərilir, onların yaşayış şəraitinin yaxşılaşdırılması üçün konkret tədbirlər görülür. Yeni mənzillərin verilməsi, tibbi və sosial xidmətlərlə təmin olunmaları istiqamətində məqsədyönlü işlər həyata keçirilir. İcra başçısı şəhid ailələri ilə şəxsən görüşür, onların qayğılarını dinləyir və həll yolları tapmağa çalışır.
Neftçala rayonunda icma əsaslı layihələrin həyata keçirilməsi, kənd təsərrüfatının inkişafına dəstək, kiçik və orta sahibkarlığın təşviqi, aztəminatlı ailələrin sosial müdafiəsinin gücləndirilməsi Mirhəsən Seyidovun sosial yönümlü idarəçiliyinin əsasını təşkil edir. O, vətəndaş cəmiyyətinin güclənməsinə, gənclərin fəallığının artırılmasına və qadınların sosial həyata inteqrasiyasına xüsusi önəm verir.
Rayon əhalisi Mirhəsən Seyidovu çalışqan, səmimi və xalqa açıq bir rəhbər kimi tanıyır. Hər bir kəndə və məhəlləyə diqqət göstərən, ən kiçik problemin belə həllində şəxsi iştirakını vacib sayan bir icra başçısı kimi onun fəaliyyətinə yüksək dəyər verilir.
Mirhəsən Seyidov təhsil müəssisələrinin şəraitinin yaxşılaşdırılması, məktəblərin əsaslı təmiri, müəllim və şagirdlər üçün yaradılan imkanların genişləndirilməsi istiqamətində əhəmiyyətli addımlar atmışdır. Eyni zamanda, Neftçala rayonunda səhiyyə xidmətlərinin keyfiyyətinin artırılması və müasir tibb mərkəzlərinin yaradılması da onun rəhbərliyi ilə həyata keçirilmişdir.
Mədəniyyətin inkişafı və yerli sənət adamlarına qayğı da onun fəaliyyətində mühüm yer tutur. Mədəniyyət evləri, kitabxanalar və istirahət məkanlarının bərpası vətəndaşların mədəni həyatını zənginləşdirmək məqsədi daşıyır.
Mirhəsən Mirheydər oğlu Seyidov Neftçala rayonunda təkcə icra başçısı deyil, həm də məsuliyyətli bir vətəndaş, insanlarla daim təmasda olan, onların problemlərinə empati ilə yanaşan nüfuzlu bir dövlət məmurudur. Onun fəaliyyəti dövlətçilik dəyərlərinə sədaqət, insan amilinə hörmət və yüksək idarəçilik prinsipləri ilə seçilir. Bu gün Neftçalanın inkişafında mühüm rol oynayan, insanlara xidmət etməyi ali vəzifə hesab edən bir rəhbər kimi Mirhəsən Seyidov böyük rəğbət və ehtiramla qarşılanır.
Neftçala Rayon İcra Hakimiyyətinin başçısı Tatarməhlə kənd sakinləri ilə səyyar görüş keçirib
Vətəndaş qəbulunda Neftçala Rayon İcra Hakimiyyətinin başçısı Mirhəsən Seyidov, RİH-in məsul şəxsləri, hüquq- mühafizə orqanlarının, idarə, müəssisə və təşkilatların rəhbərləri, şəhid ailələri, qazilər və kənd sakinləri iştirak ediblər.
İlk öncə, Ulu Öndər Heydər Əliyevin və Azərbaycan Respublikasının ərazi bütövlüyünün, müstəqilliyinin, konstitusiya quruluşunun müdafiəsi zamanı şəhid olan hərbi qulluqçuların ruhu bir dəqiqəlik sükutla yad edilib.
Tatarməhlə kənd ərazi dairəsi üzrə nümayəndə çıxış edərək, Tatarməhlə kəndi haqqında görüş iştirakçılarına geniş məlumat verib.
Çıxışçılar “Ailə milli-mənəvi dəyərlərimizin daşıyıcısıdır” mövzusunda iştirakçılara məlumat verib, bildiriblər ki, ölkəmizdə sosial sahədə dövlət siyasətinin prioritet istiqamətlərindən birini məhz ailə siyasəti təşkil edir və azərbaycan xalqının Ümummilli Lideri Heydər Əliyev ölkəmizdə ailə siyasətinin formalaşdırılması məsələlərinə böyük diqqət yetirərək həmin sahədə mövcud problemlərin həlli istiqamətində ardıcıl, məqsədyönlü fəaliyyət göstərib və bu siyasət Prezident cənab İlham Əliyev, birinci xanım Mehriban Əliyeva tərəfindən uğurla davam etdirilir.
Neftçala RİH-in başçısı Mirhəsən Seyidov çıxış edərək bildirib ki, Ulu Öndər Heydər Əliyev yenidən siyasi hakimiyyətə qayıdışından sonra cəmiyyətin daxili resurslarının səfərbər olunmasına xüsusi önəm verirdi. Bu resurslar içərisində ailə müstəsna əhəmiyyət kəsb edirdi. “Biz öz milli-mənəvi dəyərlərimizi, adət-ənənələrimizi, əxlaqi dəyərlərimizi bütün istiqamətlərdə qorumalıyıq, saxlamalıyıq və gənc nəsli əsrlər boyu böyük sınaqlardan keçmiş bu mənəvi, əxlaqi dəyərlər ruhunda tərbiyələndirməliyik”–deyən Ulu Öndər Heydər Əliyev ailə institutunun möhkəmlənməsinə və zənginləşməsinə hər zaman böyük diqqət yetirirdi. Ailə institutu dahi şəxsiyyətin əməli qayğısı ilə əhatə olundu. Ulu Öndər ailədə və cəmiyyətdə xüsusi yeri olan qadın və uşaqların hüquqlarının müdafiə olunmasını zəruri hesab edirdi. Ötən əsrin 90-cı illərində ailənin möhkəmləndirilməsi, qadın və uşaq hüquqlarının müdafiəsi sahəsində Ulu Öndər Heydər Əliyevin təşəbbüsü, dəstəyi ilə Azərbaycan Respublikası mühüm beynəlxalq Konvensiyalara qoşulub və ölkəmizdə bir sıra müvafiq qanunlar qəbul edilib. Ulu Öndər deyirdi: “Qadınlar dövlətimizin, dövlətçiliyimizin, müstəqilliyimizin, bu günümüzün, gələcəyimizin dayağıdır. Azərbaycan qadını öz fəaliyyətini maarifçilik və xeyriyyəçilik ideyalarının yayılmasından başlayaraq, mədəni, dini, milli-mənəvi dəyər və ənənələri də nəzərə almaqla davam etdirir. Azərbaycan ailəsində qadının yeri və rolu xüsusi əhəmiyyət daşıyır. Azərbaycan qadını istənilən sahədə uğur qazanmaqla yanaşı, çox gözəl ailə sahibi olmağı və Vətənə layiqli vətəndaşlar yetişdirməyi bacarır, ailənin möhkəmliyi və bütövlüyünün qorunması məsuliyyətini də layiqincə daşıyır”.
RİH-in başçısı, Zəfərlə yekunlaşan 44 günlük Vətən müharibəsindən sonra bölgədə yaranan yeni geosiyasi reallıqlar fonunda Müzəffər Ali Baş Komandan İlham Əliyevin tarixi ədalətin bərpa edilməsi konsepsiyasının davamının məcburi köçkünlərin və qaçqınların Böyük Qayıdışını təmin etmək olduğunu bildirib. O, həmçinin Azərbaycan xalqının milli-mənəvi dəyərlərini və haqqını bərpa etmək missiyasının önəmindən danışıb. Müzəffər Ali Baş Komandan cənab İlham Əliyevin Qərbi Azərbaycan İcmasının üzvləri ilə görüşdə bununla bağlı ciddi tapşırıqlar verdiyini vurğulayıb. Həmçinin, Azərbaycan xalqının haqqının bərpa olunması və Qərbi Azərbaycan İcmasının hüquqlarının beynəlxalq səviyyədə tanıdılması istiqamətində ölkə rəhbərinin sərgilədiyi mövqeyin tarixçilər və hüquqşünaslar üçün ciddi vəzifələr qoyduğunu qeyd edib.
Neftçala RİH-in başçısı, Neftçala rayonunda həyata keçirilən yenidənqurma işləri barədə görüş iştirakçılarına məlumat verib.
Səyyar qəbul zamanı vətəndaşlar, kənd ərazisində Milliön ödəmə terminalının quraşdırılması, subsidiya almaqda qarşıya çıxan çətinlik, ev lahiyəsinin verilməsi və digər məsələlər üzrə müraciətlərini irəli sürüblər. Vətəndaşların müraciətləri ayrı-ayrılıqda dinlənilib, məsələlər müzakirə edilib və həll olunması üçün aidiyyəti üzrə tapşırıqlar verilib.
Vətəndaşlar göstərilən yüksək diqqət və qayğıya, həmçinin rayon ərazisində aparılan abadlıq-quruculuq işlərinə görə Azərbaycan Respublikasının Prezidenti cənab İlham Əliyev və Birinci vitse-prezident Mehriban xanım Əliyevaya minnətdarlıqlarını ifadə ediblər.
Məlumat üçün bildiririk ki, vətəndaş məmnunluğunu artırmaq və xidmət keyfiyyətinin yaxşılaşdırılmasını təmin etmək məqsədilə vətəndaşlar Neftçala Rayon İcra Hakimiyyəti ilə həm onlayn, həm də yerində görüşlər üçün yaradılan "Rəqəmsal İcra Hakimiyyəti" https://rih.gov.az portalına daxil olaraq müraciət edə bilərlər.
