“Bərpa olunan torpaqlarda həyatın ritmini suvarma ilə qaytaran rəhbər” [xfgiven_qirmizi] [xfvalue_qirmizi] [/xfgiven_qirmizi]
Zəngilan rayonu, işğaldan azad olunmuş torpaqlarımız arasında strateji və təbii sərvətlərlə zəngin bölgələrdən biridir. Bu torpaqlarda həyatın yenidən canlanması, kənd təsərrüfatının inkişafı və yaşıl infrastrukturun bərpası üçün suvarma sistemləri əvəzolunmaz rol oynayır. Bu mühüm sahədə peşəkar idarəçiliyi ilə seçilən şəxslərdən biri də Zəngilan Suvarma Sistemləri İdarəsinin müdiri Rəşad Sadıqlıdır.
Rəşad Sadıqlı öz sahəsində illərin təcrübəsinə, müasir yanaşmalara və güclü təşkilatçılıq qabiliyyətinə malik rəhbər kimi tanınır. Onun rəhbərliyi ilə Zəngilanda suvarma sistemlərinin yenidən qurulması, mövcud şəbəkələrin təmiri və genişləndirilməsi istiqamətində ciddi işlər görülmüşdür. O, kənd təsərrüfatı istehsalçılarının ehtiyaclarını nəzərə alaraq suvarma prosesini maksimum effektiv şəkildə təşkil edir, su itkisinin qarşısının alınması, texniki avadanlıqların yenilənməsi və rəqəmsal monitorinq sistemlərinin tətbiqi kimi bir çox yenilikləri həyata keçirir.
Rəşad Sadıqlı təkcə texniki məsələlərlə kifayətlənməyib, sosial və milli məsələlərə də böyük diqqət yetirir. O, şəhid ailələrinə, qazilərə və müharibə iştirakçılarına mənəvi və maddi dəstək göstərən ziyalı rəhbərlərdən biridir. Rəşad müəllim dəfələrlə şəhid ailələrinin ziyarətində olmuş, onların problemlərinə biganə qalmamış, ehtiyac olduqda fərdi qaydada yardım göstərmişdir. Bu nəcib davranışları ilə o, həm kollektivin, həm də yerli ictimaiyyətin böyük hörmətini qazanmışdır.
Onun təşəbbüsü ilə idarənin əməkdaşları mütəmadi olaraq sosial layihələrdə iştirak edir, azad olunmuş ərazilərdə ağacəkmə aksiyaları, suya qənaətlə bağlı maarifləndirmə tədbirləri təşkil olunur. Bütün bu fəaliyyətlər bir məqsədə xidmət edir – Zəngilanın təbiətini qorumaq, kənd təsərrüfatını dirçəltmək və bölgəyə davamlı həyat qaytarmaq.
Rəşad Sadıqlının rəhbərliyi altında Zəngilan Suvarma Sistemləri İdarəsi, bu torpaqlarda həyatın yenidən çiçəklənməsi üçün dayanıqlı və innovativ addımlar atmaqda davam edir.
