Elm, Təhsil və Təşkilatçılıq Simvolu – Xaləddin Ələkbərovun Bərdə Təhsilinə Töhfəsi [xfgiven_qirmizi] [xfvalue_qirmizi] [/xfgiven_qirmizi]
---
8-04-2025, 14:16
Bərdə Dövlət İdarəetmə və Texnologiya Kollecinin direktoru Xaləddin Ələkbərov, region təhsilinin inkişafında xüsusi əməyi olan, bacarıqlı idarəçi və ziyalı kimi tanınır. Onun rəhbərliyi ilə kollecin fəaliyyəti müasir tələblərə uyğun şəkildə yenilənmiş, tədrisin keyfiyyəti və idarəetmədə şəffaflıq əhəmiyyətli dərəcədə yüksəlmişdir.
Xaləddin müəllim illərin pedaqoji və təşkilati təcrübəsinə malik olmaqla yanaşı, müasir təhsil yanaşmalarını da daim izləyən və tətbiq edən rəhbərdir. Onun təşəbbüsü ilə Bərdə Dövlət İdarəetmə və Texnologiya Kollecində peşəkar müəllim heyəti formalaşdırılmış, ixtisaslar üzrə kurikulumlar yenilənmiş, tələbələrin bilik və bacarıqlarını artırmağa yönəlik əlavə proqramlar hazırlanmışdır.
Tələbələrin şəxsiyyət kimi formalaşmasına xüsusi önəm verən Xaləddin Ələkbərov, onların həm akademik biliklərə, həm də vətənə bağlılığa sahib gənclər kimi yetişməsi üçün müxtəlif sosial və mədəni tədbirlərin keçirilməsinə öncüllük edir. Kollecdə tez-tez təşkil olunan tədbirlər, seminarlar və vətənpərvərlik yönümlü layihələr, gənclərin milli-mənəvi dəyərlərlə böyüməsinə imkan yaradır.
Şəhid ailələrinə, qazilərə və onların övladlarına göstərdiyi yüksək diqqət və dəstək, Xaləddin müəllimin insanpərvər və vətənpərvər yönünü bir daha sübut edir. O, kollecdə bu kateqoriyadan olan tələbələrə xüsusi şərait yaradılması, onların sosial rifahı ilə bağlı məsələlərin həllinə dair bir sıra təşəbbüslərlə çıxış etmişdir.
Eyni zamanda, regionun əmək bazarına uyğun kadr hazırlığı istiqamətində də ciddi işlər görülmüş, tədris prosesi praktiki bacarıqlara yönəldilmiş, yerli müəssisələrlə əməkdaşlıq əlaqələri qurulmuşdur. Bu yanaşma, kollecin məzunlarının istər dövlət, istərsə də özəl sektorda tez bir zamanda işlə təmin olunmasına şərait yaradır.
Xaləddin Ələkbərovun gərgin zəhməti, təhsilə olan bağlılığı və təşkilatçılıq bacarığı nəticəsində Bərdə Dövlət İdarəetmə və Texnologiya Kolleci regionun aparıcı təhsil ocaqlarından birinə çevrilmişdir. Onun fəaliyyəti həm təhsil ictimaiyyəti, həm də yerli sakinlər tərəfindən yüksək qiymətləndirilir. Bu gün Xaləddin müəllim, yalnız uğurlu direktor kimi deyil, eyni zamanda cəmiyyətin inkişafına töhfə verən nüfuzlu şəxsiyyət olaraq tanınır.