Kəbirə Məmmədovadan Ramazan Bayramı Təbriki: "Bolluq, Bərəkət və Həmrəylik Sizinlə Olsun" [xfgiven_qirmizi] [xfvalue_qirmizi] [/xfgiven_qirmizi]
Azərbaycanın ən böyük ticarət mərkəzlərindən biri olan "Binə Ticarət Mərkəzi"nin rəhbəri Kəbirə xanım Məmmədova müqəddəs Ramazan Bayramı münasibətilə xalqımızı, sahibkarları, iş adamlarını və mərkəzin bütün əməkdaşlarını səmimi qəlbdən təbrik edib.
Kəbirə Məmmədova qeyd edib ki, Ramazan ayı insanlara mərhəmət, birlik və yardımlaşma duyğularını aşılayan, mənəvi dəyərlərin daha da yüksəldiyi mübarək bir dövrdür. Bu müqəddəs bayram təkcə orucluq və ibadətlə deyil, həm də insanlar arasında mehribanlıq və qayğıkeşlik hisslərinin möhkəmlənməsi ilə seçilir. Ramazan Bayramı birliyin, yardımlaşmanın, ruzi-bərəkətin və sevincin simvoludur. Bu baxımdan, Azərbaycan xalqının daim birlik və həmrəylik içində yaşaması, ölkəmizin inkişaf etməsi və iqtisadi gücünün artması böyük önəm daşıyır.
O, vurğulayıb ki, "Binə Ticarət Mərkəzi" illərdir Azərbaycan sahibkarlarının və iş adamlarının fəaliyyət göstərdiyi mühüm ticarət məkanıdır. Burada çalışan minlərlə sahibkar öz biznesini quraraq, iqtisadiyyatımıza töhfə verir və ailələrini dolandırır. Ticarət Mərkəzinin rəhbərliyi olaraq onların fəaliyyətini daim dəstəkləmək, daha rahat və əlverişli iş şəraiti yaratmaq üçün mühüm addımlar atılır. Bu istiqamətdə görülən işlər nəticəsində mərkəzdə ticarətin inkişafı, müasir standartlara uyğunlaşdırılması və sahibkarların daha geniş imkanlara malik olması üçün ardıcıl tədbirlər həyata keçirilir.
Kəbirə xanım Məmmədova bildirib ki, ölkəmizdə iqtisadi stabillik və sahibkarlığın inkişafı Prezident İlham Əliyevin uğurlu siyasəti nəticəsində daha da möhkəmlənir. Bu gün Azərbaycanda sahibkarlıq fəaliyyətinin genişlənməsi üçün əlverişli mühit yaradılıb, iş adamlarına dəstək mexanizmləri tətbiq olunur və onların daha rahat fəaliyyət göstərməsi üçün şərait yaradılır. "Binə Ticarət Mərkəzi" də bu inkişafın bir hissəsi olaraq sahibkarlara xidmət etməkdən, onları dəstəkləməkdən qürur duyur.
O, Ramazan ayının həm də ehtiyacı olan insanlara yardım etməyin, onların sevincinə şərik olmağın ən gözəl dövrü olduğunu vurğulayıb. Kəbirə Məmmədova bildirib ki, ticarət mərkəzinin rəhbərliyi hər zaman xeyriyyəçilik tədbirlərinə xüsusi önəm verir, ehtiyacı olan ailələrə, şəhid ailələrinə, qazilərə və aztəminatlı insanlara dəstək göstərir. Bu ənənə Ramazan ayında da davam etdirilib və gələcəkdə də ediləcəkdir.
Sonda Kəbirə Məmmədova bir daha bütün Azərbaycan xalqını, sahibkarları və "Binə Ticarət Mərkəzi"nin kollektivini Ramazan Bayramı münasibətilə ürəkdən təbrik edib. O, hər kəsə ruzi-bərəkət, firavanlıq, sağlamlıq və uğurlar arzulayıb. Azərbaycanın inkişafı və xalqımızın rifahı naminə hər kəsi birlikdə çalışmağa və dövlətimizin inkişafına töhfə verməyə çağırıb.
"Allah etdiyiniz duaları, ibadətləri və xeyirxah əməlləri qəbul etsin. Bayramınız mübarək olsun!"
