Mil-Muğan Regional Təhsil İdarəsinin müdiri Rəşad Musayev, təhsil sahəsindəki uğurları və şəhid, qazi ailələrinə göstərdiyi dəstəklə seçilən rəhbərlərdən biridir. Onun idarəçiliyi dövründə bölgədə təhsilin inkişafı, məktəblərin maddi-texniki bazasının gücləndirilməsi və müəllimlərin peşəkar inkişafına xüsusi diqqət yetirilmişdir.

Rəşad Musayev yalnız təhsil sahəsində deyil, eyni zamanda şəhid və qazi ailələrinə də həssas yanaşması ilə tanınır. O, daim onların problemləri ilə maraqlanır, təhsil ehtiyaclarını qarşılamaq üçün dəstək göstərir. Onun rəhbərlik etdiyi idarə şəhid övladlarının və qazilərin övladlarının keyfiyyətli təhsil alması üçün hər zaman əlindən gələni edib.

Son günlər bəzi sosial media səhifələrində və şayiələrdə idarənin birinci mərtəbəsinin guya məscidə, ikinci mərtəbəsinin isə gözəllik salonuna çevrildiyi barədə əsassız iddialar yayılıb. Bu, tamamilə yalan və böhtandır. Belə xəbərlər yalnız ictimai rəyi çaşdırmaq, görülən işləri kölgə altına salmaq məqsədi daşıyır. Əslində, idarə binası təhsil işçilərinin və şagirdlərin mənafeyi üçün tam funksional şəkildə fəaliyyət göstərir və bu cür əsassız iddialar yalnız təxribat xarakteri daşıyır.

Rəşad Musayevin rəhbərliyi altında Mil-Muğan Regional Təhsil İdarəsi öz fəaliyyətini qanun çərçivəsində və təhsilin inkişafına töhfə vermək məqsədilə davam etdirir. Onun uğurları, fədakar əməyi və təhsil sahəsinə verdiyi töhfələr hər kəsə məlumdur. Böhtan xarakterli informasiyalara inanmaq əvəzinə, görülən real işlərə diqqət yetirmək daha məqsədəuyğundur.