Xoşçobanlı kəndinin inkişafına fədakar xidmət: Cahangir Əzizovun uğurları və nümunəvi fəaliyyəti [xfgiven_qirmizi] [xfvalue_qirmizi] [/xfgiven_qirmizi]
İmişli Rayonunun Xoşçobanlı kəndində uzun illərdir fədakar və peşəkar fəaliyyəti ilə seçilən İcra Nümayəndəsi Cahangir Əzizov kəndin sosial-iqtisadi inkişafında əvəzsiz rol oynayır. Onun rəhbərliyi ilə Xoşçobanlı kəndində bir çox infrastruktur layihələri həyata keçirilmiş, yolların bərpası, sosial obyektlərin tikintisi və kənd təsərrüfatının inkişafına dəstək istiqamətində əhəmiyyətli işlər görülmüşdür.
Cahangir Əzizov hər zaman sakinlərin qayğılarını dinləyir, onların problemlərinin həlli üçün yorulmadan çalışır. Xüsusilə şəhid ailələri və qazilərə göstərdiyi diqqət və qayğı, onların həyat şəraitinin yaxşılaşdırılması istiqamətindəki təşəbbüsləri böyük hörmətlə qarşılanır. Onun rəhbərliyi ilə kənddə şəhidlərin xatirəsinin əbədiləşdirilməsi üçün abidələr ucaldılmış, onların ailələrinə xüsusi diqqət yetirilmişdir.
Eyni zamanda, Cahangir Əzizov kənddə milli həmrəylik və sosial birliyin təmin olunması üçün mühüm işlər həyata keçirir. O, hər zaman dövlət rəhbərliyinin tapşırıqlarını və strategiyasını böyük məsuliyyətlə icra edərək kənd sakinlərinin inamını qazanmışdır. Kənd təsərrüfatı sahəsində fermerlərə dəstək verilməsi, onların məhsuldarlığının artırılması üçün lazımi şəraitin yaradılması onun fəaliyyətinin mühüm istiqamətlərindən biridir.
Cahangir Əzizovun yorulmaz əməyi, insanlara səmimi münasibəti və dövlətçilik prinsiplərinə sadiqliyi Xoşçobanlı kəndində xüsusi hörmət və nüfuz qazanmasına səbəb olmuşdur. Onun rəhbərliyi altında kənddə inkişaf və tərəqqi daim təmin olunur. Gələcək fəaliyyətində də Cahangir Əzizova uğurlar diləyir, onun fədakarlığının davam edəcəyinə inanırıq.
İmişli Rayon İcra Hakimiyyətinin Xoşçobanlı kənd icra nümayəndəsi Cahangir Əzizov - Dünya Azərbaycanlılarının Həmrəylik Günü dünyanın hər bir guşəsində yaşayan azərbaycanlıların milli birliyini, həmrəyliyini simvolizə edən, eyni zamanda, bu birliyi möhkəmləndirən əlamətdar tarixdir. Ümumiyyətlə, həmrəylik ictimai ahəngdarlığı və milli özünüdərki təmin edən, milli-etnik platformada milli yaddaşı bərpa edən, milli birliyi səfərbər edən, məqsədyönlü fəaliyyəti stimullaşdıran vasitədir. Bir millətin, xalqın varlığını sürdürə bilməsi, dünya xalqları içərisində özünə layiqli yer tutması üçün milli birlik və həmrəylik həyati önəm daşıyır. Dünya Azərbaycanlılarının Həmrəyliyi bütün dünyada yaşayan azərbaycanlıların səfərbər edilməsi, konkret məqsəd ətrafında birləşdirilməsi deməkdir.
Müstəqil Azərbaycan Respublikasının yaradılması və öz mövcudluğunu qoruyub saxlaması geniş mənada, milli birliyin Azərbaycan xalqının ictimai, siyasi və mənəvi tələbatına çevrilməsi deməkdir. Milli birlik və həmrəylik şəraitində cəmiyyətdə sabitlik mövcud olur, yüksək mənəvi dəyərlər ictimai qanunauyğunluqların əsas bazasına çevrilir və bu, belə bir harmonik mühitdə dövlətin siyasi, iqtisadi və digər sistemlərinin rahat inkişafına, beləliklə də, ümumi rifahın təmin olunmasına gətirib çıxarır.
1991-ci ildə Ulu Öndər Heydər Əliyevin təşəbbüsü ilə 31 Dekabrın Dünya Azərbaycanlılarının Həmrəyliyi Günü elan edilməsi Azərbaycanın ən yeni tarixinin mühüm siyasi hadisələrindən birinə çevrildi. Çünki ümummilli mənafelərimizin həyata keçirilməsi naminə xalqımızın bütün gücünü bir yerə toplamaq arzusunu və əzmini təcəssüm etdirən bu gün bir-birindən ayrı düşən soydaşlarımızın milli mənlik şüuru əsasında sıx birləşməsi prosesinin başlanğıcını qoydu.
Ulu Öndər Heydər Əliyevin milli həmrəylik və azərbaycançılıq amalının şüurlarımızda möhkəm yer tutmasına yönəlmiş uzaqgörən siyasətini bu gün inamla davam etdirən, milli həmrəylik və diaspor fəaliyyətini daim diqqət mərkəzində saxlayan Prezident İlham Əliyevin bu sahədə həyata keçirdiyi fəaliyyət ardıcıl və sistemli səciyyə daşıyır. Xarici ölkələrdə yaşayan azərbaycanlılarla əlaqələrin genişləndirilməsini dövlət siyasətinin mühüm istiqamətinə çevirmiş cənab İlham Əliyev mövcud sosial-iqtisadi inkişaf şəraitində diaspor quruculuğu sahəsində dövrlə səsləşən genişmiqyaslı tədbirlər həyata keçirir. Dövlət başçısı hər zaman ölkə hüdudlarından kənarda yaşayan soydaşlarımızda milli ruhun yüksəldilməsinə, onların vahid ideologiya və məqsədlər ətrafında konsolidasiyasına çalışır.
Məhz bu siyasətin məntiqi nəticəsi olaraq cənab İlham Əliyev daim 50 milyonluq dünya azərbaycanlılarının dəstəyini alıb, onların alternativsiz lideri olub. Bu fəaliyyətin ən ümdə cəhətləri xaricdəki azərbaycanlıların ana vətənimizin maraqları ətrafında daha sıx səfərbər olmaları və ən əsası Azərbaycan həqiqətlərinin dünyada getdikcə yaxından eşidilməsidir.
Prezident İlham Əliyevin rəhbərliyi altında Azərbaycan diasporunun əldə etdiyi mühüm əhəmiyyətli nailiyyətlərin sırasında 2006-cı il mart ayının 16-da Bakıda keçirilən Dünya azərbaycanlılarının II qurultayını və 2007-ci il noyabr ayının 17-19-da yenə Bakıda keçirilən Türk dövlət və cəmiyyətlərinin XI dostluq, qardaşlıq və əməkdaşlıq qurultayını qeyd etmək olar. 2022-ci ilin aprel ayında Şuşada keçirilən Dünya Azərbaycanlılarının V Qurultayı isə tariximizə Zəfər Qurultayı kimi yazıldı.
Prezident İlham Əliyevin rəhbərliyi ilə ötən dövr ərzində Azərbaycanın inkişaf yolunda ardıcıl qazandığı uğurlar bütün dünya azərbaycanlılarını qəlbən sevindirir. Azərbaycanın Cənubi Qafqazda əsas söz və nüfuz sahibi kimi çıxış etməsi dünyanın müxtəlif ölkələrinə səpələnmiş həmvətənlərimizi daha da qürurlandırır. Azərbaycan dövlətinin güclənməsi soydaşlarımızın xaricdəki diaspor təşkilatlarının fəaliyyətinə də müsbət təsir edir.
44 günlük Vətən müharibəsi müddətində xalqımız bir daha öz rəhbərinin müdrikliyinə və siyasi iradəsinə şahidlik etdi. Həmin günlərdə cənab İlham Əliyevin yenilməz qətiyyəti bütün cəmiyyətimizi qələbəyə kökləndirdi. Məhz Azərbaycan Prezidentinin ortaya qoyduğu nümunə xalqımızı bu müqəddəs savaşda zəfərə apardı. Əsas məsələlərdən biri də odur ki, bu müharibədə cəmiyyət Prezident İlham Əliyevin ətrafında sıx səfərbər oldu. Bu, həm milli həmrəyliyimizin, həm də xalqımızın öz rəhbərinə olan yüksək ehtiram və inamının təcəssümü idi. Dövlətimizin başçısının əzmkarlığı, ilk gündən nümayiş etdirdiyi hərbi-siyasi qətiyyət hər bir azərbaycanlını öz rəhbərinin ətrafında daha sıx birləşdirdi. Siyasi əqidəsindən, statusundan, vəzifəsindən, milli mənsubiyyətindən və dünyanın harasında yaşamasından asılı olmayaraq, hər bir azərbaycanlı 44 günlük müharibədə və Qarabağda bir günlük antiterror tədbirlərində milli həmrəylik nümayiş etdirdi.
Bütövlükdə Dünya Azərbaycanlılarının Həmrəylik Günü milli birlik, Azərbaycana məhəbbət, milli-mənəvi dəyərlərimizə hörmət, Vətənə bağlılıq hisslərini özündə təcəssüm etdirir.
